იასონ ცუცქირიძე

დაბადების ადგილი: სოფელი დეისი, ხარაგაულის რაიონი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი გეოფიზიკის სპეციალობით 1932 წელს. 

1933-1938წწ. მუშაობდა თბილისის გეოფიზიკურ ობსერვატორიაში, 1938 წლიდან ობსერვატორიის დირექტორი; 1941-1942წწ. ყაზბეგის მაღალმთიან მეტეოროლოგიური სადგური; 1943-1953წწ. თბილისის გეოფიზიკური ობსერვატორიის დირექტორი; 1953-1979წწ. ჰიდრომეტეოროლოგიის ინსტიტუტის კლიმატოლოგიის ლაბორატორიის გამგე; 1979 წლიდან მეცნიერ-კონსულტანტი. 1938-1941წწ. ასპირანტურის კურსი გაიარა ლენინგრადის მთავარ გეოფიზიკურ ობსერვატორიაში აქტინომეტრიის სპეციალობით. იქვე, 1949 წელს დაიცვა საკანდიდატო დისერტაცია. ავტორია 100-ზე მეტი სამეცნიერო ნაშრომისა, რომლებიც მიძღვნილია მთიანი რეგიონების კლიმატის გენეტიკური კლასიფიკაციისა და რადიაციული ბალანსის მდგენელების განაწილების კანონზომირების დადგენის, კლიმატური რესურსების კვლევის და სხვ. აქტუალურ საკითხებისადმი. არის რამდენიმე წიგნის სამეცნიერო რედაქტორი და რეცენზენტი. მიღებული აქვს სახელმწიფო ჯილდოები. გეოგრაფიულ მეცნიერებათა დოქტორი, პროფესორი (1971).

სადოქტორო დისერტაციის თემა - "საქართველოს ტერიტორიის რადიაციული და თერმული რეჟიმი", დაიცვა 1969 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.289

• 1952 - საპატიო ნიშნის ორდენი
• 1944 - საპატიო ნიშნის ორდენი

• გეოფიზიკის ტერმინოლოგია=Геофизичксеая терминология: რუსულ-ქართული და ქართულ-რუსული (შემდგენელი). - თბილისი, მეცნიერება, 1988. - 279გვ.
• Прогноз гидрометеорологических условий Колхидской низменности после осушения (თანაავტორი). - Ленинград , Гидрометеоиздат, 1983. - 247с.