ავთანდილ ქეცბაია

დაბადების ადგილი: ქ. სოხუმი.

დაამთავრა ოდესის უმაღლეს საზღვაო-საინჟინრო სასწავლებლში (ОВИМУ) ინჟინერ-გემთწამყვანის სპეციალობით 1971 წელს.

1971 წელსვე ზღვაში საქმიანობა კაპიტნის მეოთხე თანაშემწედ  საქართველოს საზღვაო სანაოსნოს გემებზე დაიწყო.
1971-1981 წწ. სანაოსნოს სხვადასხვა გემებზე გაიარა მან გემის სამეთაურო-საშტურმანო იერარქიის ყველა საფეხური  და 1981 წელს ბალკერ «Художник Герасимов»-ის კაპიტნად დაინიშნა; 25 წლის ასაკში ა. ქეცბაია საქართველოს საზღვაო სანაოსნოს ყველაზე ახალგაზრდა შორეული ნაოსნობის კაპიტანი გახდა; 1983 წელს მან სანაოსნოს ყველაზე დიდი ხომალდისა და ფლაგმანის, «Николай Вознесенский»-ს მეთაურობა ჩაიბარა, იმავე წელს კი ბულგარეთში, ვარნის გემთმშენებელ ქარხანაში საქართველოს სანაოსნოსათვის აგებული ახალი ბალკერის «Академик Давитая»-ს შტატიანი კაპიტანი გახდა; 1985 წელს სანაოსნოს საუკეთესო კაპიტნად იქნა დასახელებული, 1987 წელს კი მას საზღვაო დარგის დამსახურებული მუშაკის წოდებაც მიენიჭა; 1987 წელს შორეული ნაოსნობის კაპიტანმა ა. ქეცბაიამ საბერძნეთში მიიღო და ექსპლუატაციაში გაუშვა იაპონიაში აგებული ახალი ტანკერი «Батуми»; 1989 წელს მცირე ხნით მადანმზიდ «Генерал Леселидзе»-ზე, 1990 წელს კი კვლავ მშობლიურ «Академик Давитая»-ზე ცურავდა. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com

• 1986 - ხალხთა მეგობრობის ორდენი