კარლო გარდაფხაძე

დაბადების ადგილი: სოფელი ტვიში, ახლანდელი ცაგერის მუნიციპალიტეტი.

დაამთავრა თბილისის სახელმწიფო უნივერსიტეტის ისტორიული ფაკულტეტი, შემდეგ სწავლობდა საბჭოთა კავშირის უმაღლეს პარტიულ სკოლაში.

მონაწილეობდა II მსოფლიო ომში (უფროსი ლეიტენანტი). 1959 წლიდან იყო სხვადასხვა ხელმძღვანელ პარტიულ თანამდებობაზე; 1961-1977წწ. საქართველოს სსრ ტელევიზიისა და რადიომაუწყებლობის სახელმწიფო კომიტეტის თავმჯდომარე; მისი ხელმძღვანელობის დროს აიგო მაუწყებლის დღევანდელი შენობა, საქართველოს ტელევიზია ყოფილი საბჭოთა კავშირის ქვეყნებში ერთ-ერთი პირველი გადავიდა ფერად მაუწყებლობაზე; 1977-1985წწ. იყო საქართველოს სსრ სოციალური უზრუნველყოფის მინისტრი;  დაჯილდოებულია: "შრომის წითელი დროშის", "სამამულო ომის I და II ხარისხის", "ხალხთა მეგობრობის", "საპატიო ნიშნის" ორდენებით და მედლებით. საბჭოთა პარტიული და სახელმწიფო მოხელე, ისტორიულ მეცნიერებათა დოქტორი.

წყარო: 1985 წლის 24 თებერვალი საქართველოს სსრ უმაღლესი საბჭოს არჩევნების დღეა. ყველანი არჩევნებზე! : ხმა მივცეთ კომუნისტებისა და უპარტიოების ურღვევი ბლოკის კანდიდატს კარლო გარდაფხაძეს : პლაკატი. - თბ., 1985. - 1გვ.; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.316;  ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 23-24

• საქართველოს ომის ინვალიდთა და ვეტერანთა კავშირი, თავმჯდომარე (2000-)
• საქართველოს სსრ-ის IX მოწვევის უმაღლესი საბჭო, დეპუტატი (1975-1980)
• საქართველოს სსრ-ის V მოწვევის უმაღლესი საბჭო, დეპუტატი (1959-1962)
• საქართველოს სსრ-ის VI მოწვევის უმაღლესი საბჭო, დეპუტატი (1963-1966)
• საქართველოს სსრ-ის VII მოწვევის უმაღლესი საბჭო, დეპუტატი (1967-1970)
• საქართველოს სსრ-ის VIII მოწვევის უმაღლესი საბჭო, დეპუტატი (1971-1974)
• საქართველოს სსრ-ის XI მოწვევის უმაღლესი საბჭო, დეპუტატი (1985-1989)
• საქართველოს სსრ-ის XII მოწვევის უმაღლესი საბჭო, დეპუტატი (1990-1994)
• სტალინის იდეურ მემკვიდრეთა საქართველოს კავშირი, თავმჯდომარე (1995-)
• სტალინის საერთაშორისო საზოგადოება, წევრი (1988-)

• 1998 - ღირსების ორდენი
  საქართველოს ომის ვეტერანთა მოძრაობის განვითარებაში შეტანილი პირადი დიდი წვლილისა და ახალგაზრდობის სამხედრო-პატრიოტული სულისკვეთებით აღზრდაში აქტიური, ნაყოფიერი მოღვაწეობისათვის
• ხალხთა მეგობრობის ორდენი
• შრომის წითელი დროშის ორდენი
• საპატიო ნიშნის ორდენი