გია ჭანტურია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ფიზიკური გეოგრაფიის სპეციალობით 1981 წელს; თბილისის სახელმწიფო უნივერსიტეტის საზოგადოებრივი ფაკულტეტი საერთაშორისო მიმომხილველის სპეციალობით 1982 წელს; თბილისის უცხო ენათა სახელმწიფო პედაგოგიურ ინსტიტუტთან არსებული უცხო ენების შემსწავლელი ორწლიანი კურსები ინგლისური ენისა და ლიტერატურის სპეციალობით 1990 წელს; 1986-1990წწ. ასპირანტურის კურსი გაიარა ვახუშტი ბაგრატიონის სახელობის გეოგრაფიის ინსტიტუტში. სხვადასხვა წლებში სწავლობდა მარქსიზმ-ლენინიზმის უნივერსიტეტში, საზოგადოება "ცოდნის" გამგეობასთან არსებული "საერთაშორისო ურთიერთობისა და საბჭოთა კავშირის საგარეო პოლიტიკის ისტორიის" სკოლაში.

უმაღლესი სასწავლებლის დამთავრების შემდეგ მუშაობდა პიონერთა და მოსწავლეთა რესპუბლიკურ სასახლეში გეოგრაფიის მასწავლებლად; 1982 წლიდან მუშობდა თბილისის 55-ე საშუალო სკოლაში გეოგრაფიის მასწავლებლად; 1987-2000წწ. სკოლის დირექტორის მოადგილედ, ხოლო 2000 წლიდან სკოლის დირექტორად; 1985-1999წწ. იყო ვაკის რაიონის მთავარი სპეციალისტი გეოგრაფიაში; 1997 წელს მიენიჭა მასწავლებლის უმაღლესი კატეგორია. გამოქვეყნებული აქვს 100-ზე მეტი ნაშრომი, მათ შორის, სახელმძღვანელოები. იყო IX და X კლასის მსოფლიოს სოციალურ-ეკონომიკური, პოლიტიკური გეოგრაფიისა და საზღვარგარეთის ქვეყნების გეოგრაფიის სახელმძღვანელოების ავტორი. გამოცემული აქვს წიგნები მსოფლიო მონარქიულ ქვეყნებზე და სამეფო ოჯახებზე. სხვადასხვა დროს იმყოფებოდა საზღვარგარეთის ქვეყნებში - საფრანგეთი, ესპანეთი, გაერთიანებული სამეფო და სხვ. გეოგრაფი და დიდი ბრიტანეთის სპეციალისტი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.299; საქართველოს სამეფო: georoyal.ge

• სამეფო (მონარქისტული) კლუბი, წევრი (2017-)

• 1998 - რაფიელ დანიბეგაშვილის სახელობის პრემია
• მედალი "შრომითი მამაცობისთვის"
• სამკერდე ნიშანი "სახალხო განათლების წარჩინებული"

• გეოგრაფიული ატლასი : 10 კლასი (თანაავტორი). - თბილისი, საქართველოს მაცნე, 2015. - 128გვ.. - ISBN: 9789941164354
• იტალიის რესპუბლიკა (ავტორი). - თბილისი, საქართველოს მაცნე, 2014. - 200გვ.. - ISBN: 9789941163951
• ამერიკის შეერთებული შტატები (ავტორი). - თბილისი, საქართველოს მაცნე, 2012. - 200გვ. . - ISBN: 9789941161919
• გეოგრაფია 7 [კლასი] : მასწავლებლის წიგნი (თანაავტორი). - თბილისი, ბაკურ სულაკაურის გამ-ბა, 2012. - 119გვ.. - ISBN: 9789941156083
• გეოგრაფია 7 [კლასი] : გეოგრაფიის სახელმძღვ. მეშვიდეკლასელთათვის (თანაავტორი). - თბილისი, ბაკურ სულაკაურის გამ-ბა, 2009. - 192გვ.. - ISBN: 9789941150333
• მსოფლიოს მონარქები (თანაავტორი). - თბილისი, პეგასი, 2008. - 200გვ.. - ISBN: 9789941902833
• დიდი ბრიტანეთი (ავტორი). - თბილისი, საქართველოს მაცნე, 2008. - 200გვ. . - ISBN: 9789994066810