ვერა ჭეიშვილი

დაბადების ადგილი: ქ. თბილისი.

დაამთავრა ამიერკავკასიის გეოდეზიურ სამმართველოსთან არსებული ერთწლიანი კარტოგრაფიული კურსები 1931 წელს და იქვე დაიწყო მუშაობა; 1939 წელს დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოგრაფიის სპეციალობით.

1942 წლიდან მუშაობდა თბილისის სახელმწიფო უნივერსიტეტის გეოდეზია-კარტოგრაფიის კათედრაზე; 1943-1947წწ. გაიარა ასპირანტურის კურსი. მის სადისერტაციო ნაშრომში მოცემულია ცივ-გომბორის ქედის მხარის პირველი, სრულყოფილი კომპლექსური ფიზიკურ-გეოგრაფიული დახასიათება. შესრულებული აქვს 40-მდე სამეცნიერო ნაშრომი, აქედან 20 გამოქვეყნებულია. წლების განმავლობაში იგი კითხულობდა ლექციებს ტოპოგრაფიაში, კარტოგრაფიაში, ზოგადი გეოგრაფიული რუკების შედგენა-რედაქტირებაში, რუკების გაფორმებაში, საველე კარტოგრაფიასა და კარტოგრაფიულ ხაზვაში. გეოგრაფიულ მეცნიერებათა კანდიდატი, დოცენტი (1978).

საკანდიდატო დისერტაციის თემა - "ცივ-გომბორის ქედის ფიზიკურ-გეოგრაფიული დახასიათება", დაიცვა 1970 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.299-300