რევაზ ხაზარაძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ინჟინერ-გეოლოგის სპეციალობით 1957 წელს.

1958-1959წწ. მე-7 რაიონის ექსპედიცია, სსრკ გეოლოგიისა და წიაღისეულთა დაცვის სამინისტროს მე-4 გეოლოგიური სამმართველო, ინჟინერ-გეოლოგი; 1959-1974წწ. საქართველოს მეცნიერებათა აკადემიის ვახუშტი ბაგრატიონის გეოგრაფიის ინსტიტუტი, უმცროსი მეცნიერ-თანამშრომელი; 1974-1984წწ. უფროსი მეცნიერ-თანამშრომელი; 1989-1993წწ. გეომორფოლოგიისა და პალეოგეოგრაფიის განყოფილების ხელმძღვანელი; 1993-2001წწ. პალეოგეოგრაფიის ლაბორატორიის ხელმძღვანელი; 1984-2006წწ. წამყვანი მეცნიერ-თანამშრომელი; 1984-2005წწ. დირექტორის მოადგილე სამეცნიერო დარგში; 2001-2006წწ. მეოთხეული გეოლოგიის განყოფილების ხელმძღვანელი; 2006-2015წწ. თბილისის სახელმწიფო უნივერსიტეტის ვახუშტი ბაგრატიონის გეოგრაფიის ინსტიტუტი უფროსი მეცნიერ-თანამშრომელი, ფიზიკური გეოგრაფიის განყოფილება; 2015-2017წწ. მთავარი მეცნიერ-თანამშრომელი, ფიზიკური გეოგრაფიის განყოფილება; 2018 წლიდან - მთავარი მეცნიერ-თანამშრომელი, ფიზიკური გეოგრაფიის განყოფილება. 1956 წლიდან ეწევა ალპინისტურ საქმიანობას. დაპყრობილი აქვს კავკასიონის, პამირის, ტიან-შანის, ალპების მრავალი მწვერვალი; არის სსრ კავშირის მრავალგზის ჩემპიონი და პრიზიორი. მისი სამეცნიერო კვლევის ძირითადი მიმართულებები: საქართველოსა და მიმდებარე რეგიონების გეოგრაფიული გარემოს წარმოშობისა და განვითარების კანონზომიერებანი; საქართველოს მეოთხეული ნალექების გენეზისი და სედიმენტაციის პირობები პალეოგეოგრაფიული რეკონსტრუქციით; საქართველოს მაღალმთიანი რეგიონების სოციალურ-ეკონომიკური განვითარების პრობლემები და მათი გადაჭრის გზები. გამოქვეყნებული აქვს სამეცნიერო ნაშრომები, მათ შორის, უცხო ენებზეც. მიღებული აქვს სახელმწიფო ჯილდოები, მათ შორის ამერიკის ბიოგრაფიული ინსტიტუტის ოქროს მედალი (2006). გეოლოგია-მინერალოგიის მეცნიერებათა დოქტორი.

საკანდიდატო დისერტაციის თემა - "მდ. ენგურის აუზის რელიეფი, კონტინენტური ნაფენები და პლეისოცენური გამყინვარება", დაიცვა 1971 წელს; სადოქტორო დისერტაციის თემა - "კავკასიონის პლეისოცენური გამყინვარება", დაიცვა 2002 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.301-302; ვახუშტი ბაგრატიონის სახელობის გეოგრაფიის ინსტიტუტი: geography.tsu.ge

• საქართველოს მთამსვლელთა ფედერაცია, ვიცე-პრეზიდენტი
• საქართველოს მთამსვლელთა ფედერაცია, პრეზიდიუმის წევრი

• 2005 - ღირსების ორდენი
• სსრკ სპორტის ოსტატი
• საქართველოს დამსახურებული მწვრთნელი (ალპინიზმი)

• საქართველოს ბუნების ფენომენები (რედაქტორი). - თბილისი, 2014. - 425გვ.. - ISBN: 9789941062742
• თუშეთი : კრებული (თანაავტორი). - თბილისი, საქ. მეცნ. ეროვნ. აკადემიის გამ-ბა , 2014. - 300გვ. . - ISBN: 9789941056505
• კავკასიონის პლეისტოცენური გამყინვარება (ავტორი). - თბილისი, მეცნიერება, 2004. - 320გვ. . - ISBN: 9992809337
• ცენტრალური კავკასიონის მყინვარებზე : ალპინისტის შთაბეჭდილებანი (ავტორი). - თბილისი, საბჭ. საქართველო, 1977. - 108გვ.