ზაალ ხელაძე

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოფიზიკის სპეციალობით 1986 წელს.

მუშაობა დაიწყო მ. ნოდიას სახელობის გეოფიზიკის ინსტიტუტში მეცნიერ-თანამშრომლად. მის სადისერტაციო ნაშრომში გამოკვლეულია ძირითადი კლიმატური ელემენტების ემპირიულ განაწილებათა მაღალი რიგის მომენტები - დისპერსია, ასიმეტრია და ექსცესი; აგებულია მათი სივრცითი განაწილების ველები და გამოვლენილია ტერიტორიული ცვლილებების ძირითადი კანონზომიერებანი; მოცემულია რეკომენდაციები კლიმატური ელემენტების ემპირიულ განაწილებათა თეორიული ფუნქციებით აპროქსიმაციისათვის. გამოქვეყნებული აქვს რამდენიმე სამეცნიერო ნაშრომი. გეოგრაფიულ მეცნიერებათა კანდიდატი.

საკანდიდატო დისერტაციის თემა - "კლიმატური მახასიათებლების ემპირიულ განაწილებათა სტატისტიკური თვისებები საქართველოს ტერიტორიაზე", დაიცვა 1994 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.307