თენგიზ ხეცურიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის საინჟინრო-ფიზიკის ფაკულტეტი ლითონთა ფიზიკის სპეციალობით 1971 წელს.

მუშაობა დაიწყო საქართველოს სასოფლო-სამეურნეო ინსტიტუტის ფიზიკის კათედრის უფროს მასწავლებლად, დოცენტად (1994); 1995 წლიდან მუშაობს ქ. თბილისის 161-ე საშუალო სკოლის მასწავლებლად. გამოქვეყნებული აქვს 30 სამეცნიერო ნაშრომი. მათში განხილულია მთიანი რელიეფის გავლენა მიწისპირა ქარის რეჟიმის ჩამოყალიბებაზე და მიღებული შედეგების გამოყენება მთიანი რაიონების ათვისებასთან დაკავშირებული ამოცანების გადაწყვეტაში. გეოგრაფიულ მეცნიერებათა კანდიდატი, დოცენტი (1994).

საკანდიდატო დისერტაციის თემა - "მიწისპირა ქარის რეჟიმის მათემატიკური მოდელირება მთის რელიეფის პირობებში (საქართველოს ტერიტორიის მაგალითზე)", დაიცვა 1993 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.308