ლინა ერისთავი

დაბადების ადგილი: ქ. ქუთაისი.

დაამთავრა თბილისის სახელმწიფო ფარმაცევტული ინსტიტუტი 1945 წელს.

ინსტიტუტის დამთავრების შემდეგ დატოვებული იქნა სახელმწიფო სამედიცინო ინსტიტუტის ფარმაკოგნოზიის კათედრაზე (ინსტიტუტების გაერთიანების შედეგად) და მთელი თავისი შრომითი საქმიანობა მას დაუკავშირა: 1948-1957წწ. იყო ასისტენტი, 1957-1962წწ. დოცენტი, 1962-1997წწ. გამგე, 1998 წლიდან კათედრის პროფესორი; დაიცვა საკანდიდატო დისერტაცია (1957) მიენიჭა დოცენტის წოდება(1958), სსრკ უმაღლესი საატესტაციო კომისიამ მიანიჭა პროფესორის წოდება (1982); სრულიად ახალგაზრდა ჩაუდგა სათავეში ფარმაკოგნოზიის კათედრას და 35 წელი უხელმძღვანელა მას. მნიშვნელოვანია პროფ. ლ. ერისთავის წვლილი ფარმაცევტული მეცნიერების განვითარებაში. მისი კვლევის პრიორიტეტული მიმართულებაა ეფექტური პრეპარატების შექმნის მიზნით საქართველოს სამკურნალო მცენარეების შესწავლა, მისი ხელმძღვანელობით ან უშუალო მონაწილეობით მრავალი შრომაა შესრულებული სამამულო, ახლო და შორეული საზღვარგარეთის მეცნიერულ კოლექტივებთან კომპლექსირებით ან მათი დაკვეთით. მას კარგად იცნობდნენ თავისი და მომიჯნავე დარგების მეცნიერულ წრეებში, როგორც ჩატარებული კონგრესების, სიმპოზიუმების და სხვა ფორუმების აქტიურ მონაწილეს. პროფ. ლ. ერისთავს დასტამბული აქვს 140–ზე მეტი ნაშრომი, მათ შორის 3 მონოგრაფია და რამდენიმე მეთოდური მითითება. თანაავტორებთან ერთად კი 3 წიგნი – "საოჯახო მედიცინა", "ფარმაცევტული ლექსიკონი" და "სახელმწიფო ფარმაკოპეა", ხოლო "ფარმაკოგნოზია (სამკურნალო მცენარეები)", მის მიერ დაწერილი მეორე სახელმძღვანელოა სახ. სამედიცინო უნივერსიტეტის და სხვა უმაღლესი სასწავლებლების ფარმაცევტული პროფილის სტუდენტებისათვის. მისი ხელმძღვანელობით დაცულია 5 საკანდიდატო დისერტაცია, მიღებული აქვს საავტორი მოწმობა 6 გამოგონებაზე. წლების განმავლობაში იყო სამედიცინო უნივერსიტეტის სამეცნიერო საბჭოს და ციკლობრივი კომისიის წევრი, ხარისხების მიმნიჭებელი საბჭოს სწავლული მდივანი, პარტიული კომიტეტის მდივნის და შემდეგ პროფკომიტეტის თავმჯდომარის მოადგილე. საქ. კპ. ორჯონიკიძის პარტრაიკომის წევრი. მიღებული აქვს მთავრობის ჯილდოები. ფარმაცევტი, საზოგადო მოღვაწე.

წყარო: ქართული სამედიცინო ინტერნეტ-ქსელი medgeo.net: edu.medgeo.net

• საქართველოს მედიკო–ბიოლოგიურ მეცნიერებათა აკადემია, აკადემიკოსი (2002-)
• საქართველოს მედმუშაკთა პროფკავშირების რესპუბლიკური კომიტეტის ქალთა საბჭო, თავმჯდომარის მოადგილე
• საქართველოს ფარმაკოპეის კომიტეტის ფარმაკოგნოზიის კომისია, თავმჯდომარე
• საქართველოს ფარმაცევტთა ასოციაცია, საპატიო პრეზიდენტი
• საქართველოს შრომის, ჯანმრთელობის დაცვის და სოც. უზრუნველყოფის სამინისტროს ექიმთა და ფარმაცევტთა ლიცენზირების ეროვნული საბჭო, წევრი
• საქართველოს წამლისა და ფარმაცევტული საქმიანობის დეპარტამენტის საბჭო, წევრი
• სსრ კავშირის მეცნიერებათა აკადემიასთან არსებული "ფარმაციის" საპრობლემო კომისია, წევრი (1982-1992)
• სსრ კავშირის ჯანდაცვის სამინისტროს მეთოდური საბჭო, წევრი (1982-1992)
• ქ. თბილისის ფარმაცევტთა სამეცნიერო საზოგადოება, თავმჯდომარე

• 1998 - ღირსების ორდენი
  ქართული მედიცინის განვითარებაში შეტანილი დიდი წვლილისა და ნაყოფიერი სამეცნიერო-პედაგოგიური მოღვაწეობისათვის
• 1982 - საქართველოს უმაღლესი სკოლის დამსახურებული პედაგოგი

• ფარმაკოგნოზია : სამკურნალო მცენარეები : სახელმძღვ. ფარმაც. ფაკ. სტუდ. (ავტორი). - თბილისი, საქართველოს მაცნე, 2005. - 675გვ.. - ISBN: 99940-0-605-3
• სამკურნალო მცენარეული ნედლეულის დამზადება : სასწავლო-მეთოდური მითითება (თანაავტორი). - თბილისი, 2001. - 24გვ.
• ფარმაცევტული ლექსიკონი : ლათინურ-ქართული, ქართულ-ლათინური (თანაავტორი). - თბილისი, მერიდიანი, 1996. - 200გვ.
• საკვები მცენარეების სამკურნალო მნიშვნელობა : საჯარო ლექციის სტენოგრამა (ავტორი). - თბილისი, 1984. - 32გვ.
• საქართველოს ბუნება მწვანე აფთიაქია (ავტორი). - თბილისი, ცოდნა, 1979. - 32გვ.