ნადეჟდა ჯიბუტი

დაბადების ადგილი: სოფელი შუა განახლება, ჩოხატაურის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ფიზიკური გეოგრაფიის სპეციალობით 1936 წელს.

1937 წლიდან მუშაობდა ბათუმის შოთა რუსთაველის სახელობის სახელმწიფო უნივერსიტეტში გეოგრაფიის კათედრაზე. 1942-1949წწ. არჩეული იყო საბუნებისმეტყველო ფაკულტეტის დეკანად; 1949-1963წწ. გეოგრაფიის კათედრის გამგედ. კითხულობდა ლექციებს ზოგად დედამიწისმცოდნეობაში, ლანდშაფტმცოდნეობაში, ჰიდროლოგიაში, საქართველოს ფიზიკურ გეოგრაფიაში და სხვ. თბილისის სახელმწიფო უნივერსიტეტში გაიარა ასპირანტურის კურსი პროფ. ბორის დობრინინის ხელმძღვანელობით; 1946 წელს ქ. ლენინგრადში დაიცვა საკანდიდატო დისერტაცია, რომელიც ეხებოდა აჭარის ტერიტორიის ბუნებრივ-ანთროპოგენურ ლანდშაფტებს. შემდეგში აგრძელებდა კვლევებს დასავლეთ საქართველოს ბუნებრივ-ანთროპოგენური ლანდშაფტების შესასწავლად; ჩამოაყალიბა ანთროპოგენური ლანდშაფტების კლასიფიკაცია. მიღებული აქვს სახელმწიფო ჯილდოები. გეოგრაფიულ მეცნიერებათა კანდიდატი, დოცენტი (1949).

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.332-333

• საქართველოს გეოგრაფიული საზოგადოება, პრეზიდიუმის საპატიო წევრი

• სახალხო განათლების წარჩინებულის სამკერდე ნიშანი
• სახალხო განათლების წარჩინებული მუშაკი

• Аджария (თანაავტორი). - Батуми, Сабчота Аджара, 1978. - 180с.
• საბჭოთა აჭარა 50 წლისაა (თანაავტორი). - ბათუმი, საბჭ. აჭარა, 1970. - 94გვ.