ბერი ანდრია

დაბადების ადგილი: ქ. ბაღდათი, ბაღდათის მუნიციპალიტეტი.

სწავლობდა ტექნიკურ სასწავლებელში და პარალელურად რადიოქარხანაში მუშაობდა; იყო ჩემპიონი კარატესა და ბერძნულ-რომაული სტილით ჭიდაობაში, იმსახურა ჯარში. 1992 წლის 3 აპრილს პაატა ყურაშვილი ბერად აღკვეცეს და ანდრია პირველწოდებულის პატივსაცემად ანდრია უწოდეს. იმავე წლის აგვისტოში მღვდელ-მონაზვნად აკურთხეს და მონასტრის წინამძღვრად დანიშნეს. ამის შემდეგ მამა ანდრია ასკეტურად ცხოვრობდა. სამოღვაწეოდ აფხაზეთში გადაიყვანეს და მისი უწმინდესობის, სრულიად საქართველოს კათოლიკოს-პატრიარქის ილია II-ის ლოცვა-კურთხევით სოხუმიდან 15 კილომეტრით დაშორებულ კამანში წმინდა იოანე ოქროპირის სახელობის ეკლესიის წინამღვრად დაინიშნა. მოკლეს სეპარატისტებმა გიორგი (იური) ანუასთან ერთად. მამა ანდრიას სხეული 7 ივლისს, წმიდა იოანე ნათლისმცემლის შობის დღესასწაულზე, კამანში ეკლესიასთან ახლოს დაკრძალეს. მამა ანდრიამ ქართულ ეკლესიებსა და მონასტრებს უანდერძა დიდებულად თარგმნილი "სამი გასაღები შინაგანი ლოცვისათვის".

წყარო: საზოგადოებრივ - რელიგიური ინტერნეტ - ჟურნალი: ambioni.ge