ვარლამ გენგიური

1960 წლიდან მოღვაწეობდა მედიაში. მუშაობა დაიწყო გაზეთ "ახალგაზრდა კომუნისტის" რედაქციაში, მოგვიანებით კი იყო სხვადასხვა გაზეთის, მათ შორის "სოფლის ცხოვრების", "კომუნისტისა" და "საქართველოს რესპუბლიკის" ფოტორეპორტიორი. ძირითადად მოღვაწეობდა სპორტულ ფოტოგრაფიაში (იგი ჟანრობრივად არის მრავალფეროვანი ფოტორეპორტიორი). 1971 წელს სპორტული ფოტოს რესპუბლიკურ კონკურსზე ვარლამ გენგიურის ფოტოსერიამ პირველი პრემია დაიმსახურა. ვარლამ გენგიურს ფოტოფირზე აღბეჭდილი აქვს საბჭოთა და დამოუკიდებელი საქართველოს მრავალი სპორტული და საზოგადოებრივ-პოლიტიკური მოვლენა. ქართული ფოტოგრაფიის განვითარებაში შეტანილი განსაკუთრებული წვლილისთვის მიღებული აქვს ალექსანდრე როინაშვილის სახელობის პრიზი (2020).

წყარო: ქოლგა - თბილისი ფოტო: kolga.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.409

• 1999 - ღირსების ორდენი
  ქართული ჟურნალისტიკის განვითარებაში შეტანილი თვალსაჩინო წვლილისათვის, აქტუალური ცხოვრებისეული თემების მაღალკვალიფიკაციურ დონეზე წარმოჩენაში, ნაყოფიერი შემოქმედებითი და საზოგადოებრივი მოღვაწეობისათვის