ხვთისო გოგოჭური

დაბადების ადგილი: სოფელი თეთრწყლები, თელავის რაიონი.

დაამთავრა თბილისის სახელმწიფო უნივერსიტეტის ფილოსოფიისა და ფსიქოლოგიის ფაკულტეტი ფილოსოფიის სპეციალობით 1970 წელს; იმავე წელს ჩაირიცხა ფილოსოფიის ინსტიტუტის ასპირანტურაში. 1977 წელს დაიცვა საკანდიდატო დისერტაცია.

მისი კვლევა-ძიების ძირითადი სფერო იყო ფილოსოფიური ცოდნის თავისებურება, რელიგიური ფილოსოფიის პრობლემები, ფილოსოფიისა და რელიგიის, ფილოსოფიისა და ხელოვნების ურთიერთმიმართება. მის გამოკვლევებში ამ კუთხით გაშუქებული იყო ფილოსოფიური ცოდნის თავისებურება და მისი მიმართება სპეციალურ-მეცნიერულ ცოდნასთან, მხატვრულ შემოქმედებასა და რელიგიურ რწმენასთან. მან სპეციალური გამოკვლევა მიუძღვნა რუსი ფილოსოფოსიის ნ. ბერდიაევის შემოქმედებას.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.56

• რა არის ფილოსოფია? (ავტორი). - თბილისი, თბილ. უნ-ტის გამ-ბა, 1996. - 64გვ.
• ფილოსოფიური ცოდნის სპეციფიკის რელიგიურ-ეზგისტენციალური გაგების მარქსისტული კრიტიკისათვის : ნ.ა. ბერდიაევის ფილოსოფიის მაგალითზე (ავტორი). - თბილისი, მეცნიერება, 1980. - 124გვ.