პარმენ გუჯაბიძე

დაბადების ადგილი: სოფელი ჩოჩხათი, ლანჩხუთის რაიონი.

დაამთავრა მოსკოვის სახელმწიფო უნივერსიტეტი 1932 წელს.

სხვადასხვა დროს მუშაობდა პარტიულ ორგანოებსა და რესპუბლიკის უმაღლეს სასწავლებლებში: 1941-1953წწ. იყო საქართველოს კომპარტიის ცენტრალური კომიტეტის მეცნიერებისა და უმაღლესი სასწავლებლების განყოფილების გამგე; 1953-1954წწ. - აფხაზეთის ენის, ლიტერატურისა და ისტორიის სამეცნიერო-კვლევითი ინსტიტუტის დირექტორი; 1954-1963წწ. - თბილისის სახელმწიფო უნივერსიტეტის დიალექტიკური და ისტორიული მატერიალიზმის კათედრის გამგე. აქ მისი რედაქციით გამოიცა სტუდენტებისთვის სამი სახელმძღვანელო ფილოსოფიაში: "დიალექტიკური მატერიალიზმი" (თბილისი, 1955); "ისტორიული მატერიალიზმი" (თბილისი, 1957); "ფილოსოფიის ისტორია" (თბილისი, 1961). 1963-1970წწ. მოღვაწეობდა საქართველოს სუბტროპიკული მეურნეობის ინსტიტუტში (სოხუმი), სადაც მისი ინიციატივით და რედაქტორობით გამოვიდა დამხმარე სახელმძღვანელო "მარქსისტულ-ლენინური ფილოსოფია" (სოხუმი, 1969); 1984-1985წწ. იყო საქართველოს მეცნიერებათა აკადემიის ეკონომიკისა და სამართლის ინსტიტუტის უფროსი მეცნიერ-თანამშრომელი. მუშაობდა დიალექტიკური მატერიალიზმისა და ლოგიკის პრობლემებზე. ფილოსოფიის მენიერებათა კანდიდატი (1950), დოცენტი.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.66-67

• ვ.ი. ლენინის ბრძოლა ბურჟუაზიული იდეოლოგიის წინააღმდეგ 1907-1910 წწ. (ავტორი). - თბილისი, საბჭ. საქართველო, 1971. - 235გვ.
• ვ.ი. ლენინი-ახალგაზრდობის იდეური აღზრდის შესახებ (ავტორი). - თბილისი, საქ. სსრ საზ-ბა "ცოდნა", 1969. - 31გვ.
• მატერია და ცნობიერება (ავტორი). - თბილისი, საქ. სსრ პოლიტ. და მეცნ. ცოდნის გამავრც. საზ-ბა, 1959. - 36გვ.
• შინაგან და გარეგან წინააღმდეგობათა საკითხისათვის (ავტორი). - თბილისი, საბჭ. საქართველო, 1959. - 62გვ.
• აზროვნების ლოგიკური კანონების შესახებ (ავტორი). - თბილისი, საქ. სსრ პოლიტ. და მეცნ. ცოდნის გამავრც. საზ-ბა, 1951. - 38გვ.