მამუკა დოლიძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1972 წელს.

1974-2012წწ. საქართველოს სავლე წერეთელის ფილოსოფიის ინსტიტუტი, მეცნიერ-თანამშრომელი; 2002 წლიდან ამერიკული ენციკლოპედიური კრებულის  "ფენომენოლოგია მსოფლიო მასშტაბით" საგამომცემლო საბჭოს წევრი; 2004 წელს ჩამოაყალიბა საქართველოს ფენომენოლოგიური საზოგადოება და ინტერდისციპლინარულ მეცნიერებათა კვლევის ცენტრი, რომელიც შევიდა მსოფლიო ფენომენოლოგიური საზოგადოების შემადგენლობაში; 2004-2008წწ. ლონდონის უნივერსიტეტის ფილოსოფიის ინსტიტუტის ვიზიტორ-პროფესორი; 2008 წელს ამერიკელ თანარედაქტორთან (პროფესორი ჯორჯ მაკლინი) ერთად  დააარსა ქართულ-ამერიკული ფენომენოლოგიური ჟურნალი  "კულტურა და ფილოსოფია"; 2003-2006, 2013-2017წწ. – თბილისის სახელმწიფო უნივერსიტეტის პროფესორი. მისი სამეცნიერო ინტერესების სფეროა: ფიზიკის (კვანტური მექანიკის) ფილოსოფიური პრობლემები, ფენომენოლოგია, ლიტერატურისა და ხელოვნების ფილოსოფია, შემოქმედების ფსიქოლოგია, ფილოსოფიური აზროვნება პოლიტიკასა და ეკონომიკაში, თეოლოგია. მუშაობს მეცნიერების ფილოსოფიისა და ესთეტიკის პრობლემებზე, გამოქვეყნებული აქვს წიგნები და სამეცნიერო სტატიები, სადაც მან მოახდინა ბორის დამატებითობის პრინციპის ექსტრაპოლაცია მხატვრულ შემოქმედებაში. მეცნიერული მუშაობის პარალელურად ეწევა სამწერლო მოღვაწეობას. მისი პიესის - "მდგმურების" მიხედვით გადაღებულია კინოფილმი (1990 წელი, რეჟისორი დავით ჯანელიძე). ფილოსოფიის მეცნიერებათა დოქტორი (1990), პროფესორი.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.74; თბილისის სახელმწიფო უნივერსიტეტი: tsu.ge

• ამერიკის ღირებულებებისა და ფილოსოფიურ კვლევათა ცენტრი (აშშ, ვაშინგტონი), წევრი (1997-2014)
• ევროპის ფენომენოლოგიური საზოგადოება, წევრი (2011-2013)
• მსოფლიო ფენომენოლოგიური საზოგადოება (აშშ, ჰანოვერი), წევრი (2004-2014)
• საქართველოს მწერალთა კავშირი (1985-)
• საქართველოს ფენომენოლოგიური საზოგადოება, თავმჯდომარე (2004-2014)
• საქართველოს ფილოსოფიურ მეცნიერებათა აკადემია, აკადემიკოსი (1997-)

• გასეირნება დროთა სივრცეში : კრებული (ავტორი). - თბილისი, ინტელექტი, 2019. - 408გვ.. - ISBN: 9789941482649
• ესეები პრაქტიკულ ფენომენოლოგიაში : კრებული (ავტორი). - თბილისი, 2018. - 298გვ.. - ISBN: 9789941279331
• ენა, კულტურა, ფილოსოფია (თანაავტორი). - თბილისი, მერიდიანი, 2016. - 250გვ.. - ISBN: 9789941252150
• კულტურის ფენომენოლოგია და კვანტური ფიზიკის ფილოსოფიური პრობლემები (ავტორი). - თბილისი, ფილოსოფიის ინ-ტი: ცოდნა, 2008. - 304გვ.. - ISBN: 9789941004049
• გზა : კრებული (ავტორი). - თბილისი, ეროვნული მწერლობა, 2005. - 599გვ. . - ISBN: 9994004891
• არაფრის შესახებ : რომანი, მოთხრობები (ავტორი). - რუსთავი, ვეფხისტყაოსანი, 1996. - 381გვ.
• მდგმურები : მოთხრობები (ავტორი). - თბილისი, მერანი, 1991. - 205გვ.