მიშა ჭიაურელი

დაბადების ადგილი: ქ. თბილისი.

დაამთავრა თბილისის სოფლის მეურნეობის ინსტიტუტის მექანიზაციის ფაკულტეტი 1964 წელს; საქართველოს სამხატვრო აკადემია 1971 წელს; სსრკ სახელმწიფო კინემატოგრაფიის სააგენტოს სცენარისტებისა და რეჟისორების ორწლიანი უმაღლესი კურსები 1977 წელს.

1973 წლიდან მუშაობდა საქართველოს ტელერადიო კომიტეტში რეჟისორის ასისტენტად; 1976 წლიდან საქართველოს კინოსტუდიის რეჟისორად; არის შემდეგი ფილმების დამდგმელი რეჟისორი: "სიყვარული ყველას უნდა" (გიორგი შენგელაიასთან ერთად), "ჭიდაობას რა უნდა", "რულონი", "მე, პელეს ნათლია", "სოფიკო", "ბზარი". მისი დოკუმენტური ფილმი "უბედურების ზონა, ანუ არაჩვეულებრივი ფაშიზმი", მანას ფესტივალის გამარჯვებული გახდა. მიხეილ ჭიაურელი არის ავტორი წიგნისა – "ჩემი ცხოვრების აბლაბუდაში". კინორეჟისორი.

წყარო: gza.kvirispalitra.ge; sportall.ge; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.452

• 1996 - ღირსების მედალი
  საქართველოში დემოკრატიის მშენებლობისა, სტაბილიზაციის განმტკიცებისა და ახალი ეკონომიკური რეფორმების განხორციელების საქმეში შეტანილი წვლილისათვის

• ჩემი ცხოვრების აბლაბუდაში (ავტორი). - თბილისი, საარი, 2018. - 220გვ.. - ISBN: 9789941477317