ვალერიან კილაძე

დაბადების ადგილი: სოფელი სილაური, ოზურგეთის რაიონი.

დაამთავრა პედაგოგიური ტექნიკუმი 1931 წელს; თბილისის სახელმწიფო უნივერსიტეტის ისტორიის ფაკულტეტი ფილოსოფოსის სპეციალობით 1935 წელს; ასპირანტურა (1938).

თბილისის სახელმწიფო უნივერსიტეტში სწავლისას დ. უზნაძის განსაკუთრებული ყურადღება მიიპყრო და მისი რეკომენდაციით, ასპირანტურაში სწავლის პარალელურად, მუშაობა დაიწყო მეცნიერ მუშაკად ი. გოგებაშვილის სახ. პედაგოგიკის სამეცნ-კვლევით ინსტიტუტში, სადაც მუშაობდა 80-იან წლებამდე; 1938–1955წწ. შეთავსებით მუშაობდა ქუთაისის, სოხუმისა და ბათუმის პედ. ინსტიტუტებში; 1947 წლიდან გარდაცვალებამდე მუშაობდა თსუ-ში ფილოსოფიის ისტორიის კათედრაზე; 1966-1974წწ. იყო თსუ-ის ფილოსოფიისა და ფსიქოლოგიის ფაკულტეტის დეკანი; მისი (და შ. გაბელაიას) ინიციატივით 60-იანი წლების შუა პერიოდში ფილოსოფიისა და ფსიქოლოგიის ფაკუტეტზე შემოიღეს მათემატიკური ლოგიკის და უმაღლესი მათემატიკის გაღრმავებული სწავლება; არის მრავალი სამეცნიერო შრომის ავტორი; იკვლევდა ლ. ფოიერბახის შემეცნების თეორიას, გ. პლეხანოვის ფილოსოფიურ შეხედულებებს, ახლებურად გააშუქა განმანათლებლების მსოფლმხედველობა და მათი როლი კაცობრიობის ისტორიაში; აღსანიშნავია ვ. კილაძის ნარკვევები არაბულენოვანი, რუსული, დას. ევროპული და ქართული ფილოსოფიური აზრის ისტორიაში. ფილოსოფიის მეცნიერებათა დოქტორი (1967), პროფესორი (1968). აღმოსავლეთმცოდნის, მთარგმნელისა და პედაგოგის ნანა კილაძის მამა.

 წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.109; საქართველო: ენციკლოპედია: ტ.I.–თბ., 1997.–გვ.339; XX საუკუნის ქართული ფილოსოფიის ანთოლოგია. ტ. 2. ნაკვ. 2 / შემდგ. ე. კოდუა.-თბ.,2002.-გვ.275-276

• შუა საუკუნეების ფილოსოფიის ისტორიის პრობლემები (Co-Author) // ნაწ. 2 სქოლასტიკა არაბულენოვან ფილოსოფიაში. - თბილისი, თბილ. უნ-ტის გამ-ბა, 1984. - 314გვ.
• გ. პლეხანოვის ბრძოლა იდეალიზმის წინააღმდეგ (Author). - თბილისი, განათლება, 1971. - 213გვ.
• გ.ვ. პლეხანოვის ფილოსოფიური შეხედულებანი (Author). - თბილისი, თბილ. უნ-ტი, 1963. - 168გვ.