არჩილ მაჭავარიანი

დაბადების ადგილი: სოფელი ლაშე, ხარაგაულის რაიონი.

დაამთავრა თბილისს სახელმწიფო სამედიცინო ინსტიტუტის  სტომატოლოგიური ფაკულტეტი 1975 წელს. 

1976 წლიდან ეწეოდა სამედიცინო საქმიანობას: 1976-1990წწ. ცხინვალის საოლქო საავადმყოფოს საკონსულტაციო პოლიკლინიკის ექიმი-სტომატოლოგი, მარნეულის რაიონის შულავრის, გორის რაიონის ვარიანის საექიმო ამბულატორიების ექიმი-სტომატოლოგი, თბილისის მეორე სტომატოლოგიური პოლიკლინიკის ექიმი-პროთეზისტი; 1990 წელს მარნეულის სახალხო დეპუტატთა რაი-საბჭოს აღმასკომის თავმჯდომარის მოვალეობის შემსრულებელი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა – თავისუფალი საქართველო", საარჩევნო ფორმა: პარტიული სიით, მერაბ კოსტავას საზოგადოება. ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ.240

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს ჯანმრთელობის დაცვის კომისია, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს ჰუმანიტარულ და სოციალურ საკითხთა კომისია, წევრი (1990-1991)