ნოდარ ჯობავა

დაიბადების ადგილი: სოფელი დიდინეძი, ზუგდიდის რაიონი.       

დაამთავრა თბილისის პოლიტექნიკური ინსტიტუტი სამრეწველო და სამოქალაქო მშენებლობის სპეციალობით 1966 წელს.

1967-1969წწ. იყო თბილისის საშენ მასალათა დამუშავების კომბინატის მთავარი ინჟინერი, შემდგომ დირექტორი; 1969-1974წწ. საქართველოს სპორტის სახელმწიფო კომიტეტის "ბაკურიანმშენის" უფროსი; 1974-1985წწ. დასავლეთ საქართველოს ტერიტორიული, N3 სპეციალიზირებული სამმართველო სპორტნაგებობების მშენებლობის უფროსი; 1985-1991წწ. საქართველოს სპორტისა და ტურიზმის სამინისტროს, სპეციალიზირებული, სამშენებლო სარემონტო ტრესტ "საქოლიმპიადმშენის" მმართველი; არჩეული იყო ზუგდიდის რაიონის საკრებულოს წევრად; დიდი წვლილი მიუძღვის საქართველოში, სპორტული და საზოგადოებრივი მნიშვნელობის, მსხვილი, არაერთი ობიექტის მშენებლობაში; 1969 წელს მთავრობის გადაწყვეტილებით, მისი ხელმძღვანელობით დაბა ბაკურიანში დაიწყო ზამთრის სათხილამურო, სპორტული და ოლიმპიური ბაზების მშენებლობა,"ბაკურიანმშენი"; დასავლეთ საქართველოში, ლესელიძის  საკავშირო მნიშვნელობის, ოლიმპიური კომპლექსი, სოხუმის ოლიმპიური "კემპინგ- კომპლექსი", ოჩამჩირის ნავმისადგომი; ეშერის, ოჩამჩირისა და ფოთის წყალსათხილამურო კომპლექსები, ბობოყვათის სპორტულ-გამაჯანსაღებელი კომპლექსი, სენაკის ცენტრალური სტადიონი, აბაშის სპორტული კომპლექსი და საცურაო აუზი; სოფელ ცაიშში, საფუძველი ჩაუყარა და დაიწყო (კავშირში ერთერთი საუკეთესო პროექტისა და მნიშვნელობის) "სპორტულ - გამაჯანსაღებელი" კომპლექსის მშენებლობა, სოფელი ცაიშის საშუალო სკოლა, სოფელ კახათის  სპორტული კომპლექსი "მოდული", სოფელი დიდინეძის კულტურის სახლი, საფეხბურთო კლუბ ლანჩხუთის "გურია"-ს სტადიონი, გრიგოლეთის მოსამზადებელი - საწვრთვნელი ბაზა, ტყიბულში სპორტული კომპლექსი; საქართველოს მასშტაბით, კულტურულ,  სასკოლო - აღმზრდელობითი დაწესებულებები და მრავალბინიანი საცხოვრებელი სახლები; ასევე მოღვაწეობდა საქართველოს რესპუბლიკის გარეთ (რუსეთი, უკრაინა, ბალტიისპირეთის ქვეყნები და აზერბაიჯანი); 1988 წელს, საქართველოს სპორტის სახელმწიფო კომიტეტის დაკვეთით, საქართველოს სახელმწიფო ტელევიზიის მიერ გადაღებულია დოკუმენტური ფილმი "მშენებლობა და არქიტექტურა" სადაც დაწვრილებით არის ასახული ნ. ჯობავას ღვაწლი ტრესტ "საქოლიმპიადმშენის" ჩამოყალიბებასა და მაშტაბურ მშენებლობებზე; ჯერ კიდევ 80-იანი წლების მიჯნაზე, მისი მხარდაჭერით განხორციელდა არაერთი ეკლესიის აღდგენა-რეაბილიტაცია. სოფელ ცაიშში, ქუჩას სადაც ის ცხოვრობდა, 1992 წლიდან მიენიჭა ნოდარ ჯობავას სახელი.

• საქართველოს დამსახურებული მშენებელი