ანო შიუკაშვილი

დაბადების ადგილი: ქ. თელავი.

სწავლობდა თელავის პედაგოგიურ ტექნიკუმში და თბილისის სახელმწიფო უნივერსიტეტის ფილოლოგიის ფაკულტეტზე.

პირველი კურსის სტუდენტი უკვე მწერალთა კავშირის წევრი იყო. ლექსებს წერდა ბავშვობიდან: ეგნატე ნინოშვილის 70 წლის საიუბილეოდ, სიყვარულზე, აკაკი წერეთელზე და სხვ., იბეჭდებოდა სასკოლო ჟურნალებში. მოგვიანებით დაიწყო მონოგრაფიებისა და რეცენზიების წერა. დააპატიმრეს 1937 წელს (მიზეზი იყო მიხეილ ჯავახიშვილის მიერ "არსენა მარაბდელზე" გაკეთებული წარწერა: "ახალგაზრდა ნიჭიერ პოეტს ანო შიუკაშვილს"), გადაასახლეს ურალში, სადაც დაიღუპა.  

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.181