ტარიელ რეხვიაშვილი

დაბადების ადგილი: სოფელი ჭიორა, ონის რაიონი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1968 წელს. 

მუშაობდა საქართველოს ტექნიკური უნივერსიტეტის ფილოსოფიის კათედრაზე. მისი სამეცნიერო კვლევის ძირითადი ობიექტია სუბიექტის არაცნობიერი და ცნობიერი, მიზანშეწონილი და მიზანდასახული აქტივობის პრობლემა. დიმიტრი უზნაძის განწყობის თეორიის საფუძველზე იგი აწარმოებს რაციონალისტური და ირაციონალისტური შეხედულებების ფილოსოფიურ ანალიზს, სუბიექტის გააზრებულ აქტივობას განიხილავს ინტუიციასა და განწყობასთან მიმართებაში. სუბიექტის აქტივობის უმთავრეს მიზანს წარმოადგენს სიცოცხლის საზრისის გარკვევა, ღირებულებათა წვდომა და თავისუფალი მოქმედება, სადაც, აზროვნებასთან ერთად, მნიშვნელოვან როლს ასრულებს განწყობა და ინტუიცია. მის კალამს ეკუთვნის მრავალი სამეცნიერო სტატია. ფილოსოფიის მეცნიერებათა დოქტორი (1992), პროფესორი (1993). საქართველოს ტექნიკური უნივერსიტეტის სოციალურ მეცნიერებათა დეპარტამენტის სრული პროფესორი.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.145-146

• განწყობის, ინტუიციისა და აზროვნების როლი სუბიექტის აქტივობის პროცესში (ავტორი). - თბილისი, უნივერსალი, 2009. - 204გვ. . - ISBN: 9789941125782
• ფილოსოფიის მოკლე კურსი : სახელმძღვანელო (ავტორი). - თბილისი, ტექნ. უნ-ტი, 2005. - 255გვ. . - ISBN: 9994035304
• ფილოსოფიის შესავალი : სახელმძღვ. სტუ-ს სტუდ. (ავტორი). - თბილისი, ტექნ. უნ-ტი, 2004. - 254გვ.. - ISBN: 9994035304
• სუბიექტის ცნობიერი და არაცნობიერი აქტივობის პრობლემა ფილოსოფიაში (ავტორი). - თბილისი, საქ. ფილოს. მეცნ. აკად., 2004. - 129გვ.. - ISBN: 9994035304