ხარიტონ ქორიძე

დაბადების ადგილი: სოფელი საჭამიასერი, ჩოხატაურის რაიონი.

დაამთავრა ჭიათურის გიმნაზია 1925 წელს; 1926-1930წწ. სწავლობდა მოსკოვის სახელმწიფო უნივერსიტეტის ფილოსოფიის ფაკულტეტზე; 1930-1933წწ. იყო თბილისის სახელმწიფო უნივერსიტეტის ასპირანტი ფილოსოფიის სპეციალობით.

ასპირანტურის წლებიდან, შემდეგ კი მთელი სიცოცხლის მანძილზე ეწეოდა პედაგოგიურ მოღვაწეობას საქართველოს უმაღლეს სასწავლებლებში - ასწავლიდა ფილოსოფიას თბილისის ინდუსტრიალურ ინსტიტუტში, თბილისის სამხატვრო აკადემიაში, თბილისის სახელმწიფო კონსერვატორიაში; 1952-1962წწ. მუშობდა თბილისის პუშკინის სახელობის სახელმწიფო პედაგოგიურ ინსტიტუტში მარქსიზმ-ლენინიზმის კათედრის გამგის თანამდებობაზე; 1962 წლიდან იგი თბილისის სახელმწიფო უნივერსიტეტის ფილოსოფიის კათედრის დოცენტი იყო. მისი კვლევითი მუშობის მთავარ ინტერესს შეადგენდა შემეცნების თეორიის პრობლემები, ბუნებისმეცნიერებისა და მეცნიერულ-ტექნიკური რევოლუციის ფილოსოფიური საკითხები. გამოქვეყნებული აქვს 50-ზე მეტი სამეცნიერო ნაშრომი, მათ შორის, რამდენიმე მონოგრაფია და ბროშურა. ფილოსოფიის მეცნიერებათა კანდიდატი (1949), დოცენტი (1962).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.169-170

• ვ.ი. ლენინი და მარქსისტული გნოსეოლოგიის ზოგიერთი საკითხი (ავტორი). - თბილისი, თბილ. უნ-ტის გამ-ბა, 1984. - 303გვ.
• მეცნიერების ძირითადი ფუნქციები განვითარებული სოციალიზმის პირობებში (ავტორი). - თბილისი, საქ. კპ ცკ-ის გამ-ბა, 1983. - 32გვ.
• მარქსისტულ-ლენინური ფილოსოფია - საბუნებისმეტყველო და საზოგადოებრივ მეცნიერებათა მეთოდოლოგია (ავტორი). - თბილისი, თბილ. უნ-ტის გამ-ბა, 1976. - 103გვ.