ზურაბ ხასაია

დაბადების ადგილი: სოფელი ნატარღალი, გალის რაიონი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1972 წელს.

1992 წლიდან თბილისის სახელმწიფო უნივერსიტეტის პროფესორია; 2004 წლიდან ფილოსოფიის კათედრის გამგე. გამოქვეყნებული აქვს მონოგრაფიები, მრავალი სამეცნიერო სტატია და პოეტური კრებულები. მისი ფილოსოფიური ნაშრომების მთავარი თემაა არსებობის საზრისის პრობლემა, ხოლო ამ პრობლემის მთავარი ასპექტია - ადამიანის არსებობა. კერძოდ, კონკრეტულ არსებობას აზრი არა აქვს, რადგან საფუძველი არა აქვს საკუთარ თავში, ამიტომ აზრი აქვს მხოლოდ განუსაზღვრელ ყოფნას, არარას. შესაბამისად, ადამიანის ცნობიერება, საბოლოოდ, უსაზრისობის გაცნობიერებაა. ჩვეულებრივ, ცხოვრების საზრისი ფიქციაა, ხოლო ნამდვილი, უმაღლესი საზრისი ასკეზაა, სიცოცხლისგან განდგომა, რომელიც იწყება "თავისუფალი ჭვრეტით" და მთავრდება "უმოქმედობით". ამ თვალსაზრისს იგი "მეტაფიზიკურ ნიჰილიზმს" უწოდებს. ფილოსოფიის მეცნიერებათა დოქტორი (1990), პროფესორი (1992).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.203; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.247

• საქართველოს ფილოსოფიურ მეცნიერებათა აკადემია, აკადემიკოსი (1995-)

• 2017 - პრემია "საგურამო", ჰუმანიტარული მეცნიერება

• ვეფხისტყაოსანი და ფაუსტი : ფილოსოფიური ესეები (ავტორი). - თბილისი, Carpe diem, 2018. - 792გვ. . - ISBN: 9789941802010
• ფილოსოფიის შესავალი : სახელმძღვანელო (ავტორი). - თბილისი, მერიდიანი, 2016. - 198გვ. . - ISBN: 9789941252280
• ძველი მსოფლიოს ფილოსოფია (ავტორი). - თბილისი, Carpe diem, 2014. - 226გვ.. - ISBN: 9789941042331
• პუბლიცისტური წერილები (ავტორი). - თბილისი, 2013. - 217გვ. . - ISBN: 9789941055676
• თავისუფლების დრამა : ფილოსოფიური ესეები (ავტორი). - თბილისი, უნივერსალი, 2012. - 354გვ.. - ISBN: 9789941176517
• მეტაფიზიკური ნიჰილიზმი (ავტორი). - თბილისი, უნივერსალი, 2011. - 381გვ. . - ISBN: 9789941173530
• კოლხური დაისები : ლექსები (ავტორი). - თბილისი, მერანი-3, 2001. - 156გვ.
• ლტოლვა : ლექსები (ავტორი). - თბილისი, საბჭოთა საქართველო, 1989. - 54გვ.
• დიალექტიკური დეტერმინიზმი და თავისუფლება : მეთოდ. მითითებებით (ავტორი). - თბილისი, თბილ. უნ-ტის გამ-ბა, 1989. - 120გვ.