დავით ჯოხაძე

დაბადების ადგილი: სოფელი ბოსტანა, ამბროლაურის რაიონი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1958 წელს; საბჭოთა კავშირის მეცნიერებათა აკადემიის ფილოსოფიის ინსტიტუტის ასპირანტურა - 1964 წელს.

1959-1961წწ. - ბათუმის პედაგოგიური ინსტიტუტის ფილოსოფიის კათედრის ასისტენტი; 1961 წლიდან სსრკ მეცნიერებათა აკადემიის ფილოსოფიის ინსტიტუტის თანამშრომელი; 1975-1979წწ. - ქუთაისის პოლიტექტნიკური ინსტიტუტის მარქსისტულ-ლენინური ფილოსოფიის კეთედრის გემგე; ეწევა პედაგოგიურ მოღვაწეობას ქ. მოსკოვის უმაღლეს სასწავლებლებში. მისი მეცნიერული კვლევის ძირითადი მიმართულებებია: ანტიკური და შუა საუკუნეების ფილოსოფიისა და დიალექტიკის ისტორია, ანტიკური დიალოგისა და რიტორიკის პრობლემები. შემოიღო ახალი ტერმინი - "ფილოსოფიური ანტიკომცოდნეობა" (философское антиковедение), რომელიც განიმარტება, როგორც შედარებით დამოუკიდებელი თეორიული მიმდინარეობა მსოფლიო ფილოსოფიის ისტორიაში. ავტორია 200-ზე მეტი სამეცნიერო ნაშრომისა; მისი ხელმძღვანელობითა და თანაავტორობით გამოვიდა რამდენიმე კოლექტიური მონოგრაფია და კრებული. მიღებული აქვს სახელმწიფო ჯილდოები. რუსეთის მეცნიერებათა აკადემიის ფილოსოფიის ინსტიტუტის სოციალური ფილოსოფიის სექტორის წამყვანი მეცნიერ-თანამშრომელი, ფილოსოფიის მეცნიერებათა დოქტორი (1977), პროფესორი.

საკანდიდატო დისერტაციის თემა - "არისტოტელეს სწავლება კატეგორიების შესახებ" («Учение Аристотеля о категориях»), დაიცვა 1964 წელს (სსრკ მეცნიერებათა აკადემიის ფილოსოფიის ინსტიტუტი); სადოქტორო დისერტაციის თემა - "არისტოტელეს დიალექტიკა (ისტორიულ-ფილოსოფიური პროცესის დიალექტიკა)", («Диалектика Аристотеля (диалектика историко-философского процесса»), დაიცვა 1977 წელს (თბილისის სახელმწიფო უნივერსიტეტი).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.216-217; რუსეთის მეცნიერებათა აკადემიის ფილოსოფიის ინსტიტუტი: iphras.ru

• Основные этапы развития античной философии : К анализу диалектики историко-философского процесса (ავტორი). - Москва, Наука, 1977. - 295с.
• Диалектика Аристотеля (ავტორი). - Москва, Наука, 1974. - 264с.