იზა ჯაჭვაძე

დაბადების ადგილი: სოფელი ფშაველი, თელავის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

მისი პირველი ლექსები გამოქვეყნდა 1975 წელს ჟურნალ "ნობათში". 1970 წლიდან იყო გაზეთ "ახალგაზრდა კომუნისტის" შტატგარეშე კორესპონდენტი, ხოლო 1973 წლიდან გაზეთ "კომუნისტის" ტექნიკური მუშაკი, გაზეთ "საქართველოს რეპუბლიკის" კორესპონდენტი. იყო გაზეთ "კავკასიის" დამფუძნებელი, გამომცემელი და მთავარი რედაქტორი. 2004 წელს საპატიო ჩარგლელად აირჩიეს. მისი სცენარით გადაღებულია სატელევიზიო ფილმები: "სტორის ხეობა", "პანკისელი ქისტები", "ჭიჭყვის ხეობაში". იზა ჯაჭვაძის პუბლიცისტური წერილების კრებულში "მიყვარხარ, მთაო, ტიალო" გადმოცემულია კახეთისა და თუშეთ-ფშავ-ხევსურეთის პრობლემები. გამოცემული აქვს პუბლიცისტური და პოეტური კრებულები. მიღებული აქვს გაზეთ "საქართველოს რესპუბლიკის" პრემია.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.219; მედიაჰოლდინგი "კვირა": kvira.ge; საინფორმაციო - პოლიტიკური, საზოგადოებრივ - შემეცნებითი პორტალი: qartuliazri.reportiori.ge

• საქართველოს მწერალთა კავშირი, წევრი (1995-)
• საქართველოს ჟურნალისტთა კავშირი, წევრი

• ვაჟა-ფშაველას სახელობის პრემია
• გაბრიელ ჯაბუშანურის სახელობის პრემია
• ნიკო ნიკოლაძის სახელობის პრემია

• ნისლივით მთასა ვკიდივარ... : წერილები და მინიატურები (ავტორი). - თბილისი, ოპიზა, 2003. - 379გვ.
• მთაში დაისის შემოდის ფერი (ავტორი). - თბილისი, სამშობლო, 1998. - 100გვ.
• მამულს სიმღერას ვურანდავ : ლექსები (ავტორი). - თბილისი, 1998. - 112გვ.
• მიყვარხარ, მთაო ტიალო : პუბლიცისტური წერილები (ავტორი). - თბილისი, საბჭ. საქართველო, 1987. - 174გვ.