სოსო აივაზაშვილი

დაბადების ადგილი: ქ. თელავი.

1905 წელს თელავში ჩამოაყალიბა წითელი რაზმი, მონაწილეობდა მეფის რუსეთის წინააღმდეგ მოწყობილ შეიარაღებულ გამოსვლებში. ერთ-ერთი დამარცხების შემდეგ ტყეში გაიხიზნა და ადგილობრივი ხელისუფლების წინააღმდეგ პარტიზანულ ბრძოლას აგრძელებდა. 1906 წელს პოლიციამ სოსო აივაზაშვილი დააპატიმრა, თელავში გამართულმა საველე-სამხედრო სასამართლომ 6 წლით კატორღა მიუსაჯა. 1906-1912წწ. იყო პოლიტკატორღელი, სასჯელის მოხდის შემდეგ გადაასახლეს იმიერბაიკალის მხარეში, საიდანაც 1917 წლის თებერვლის რევოლუციის შემდეგ განთავისუფლდა. 1917-1929წწ. ჭლექით დაავადებული ცხოვრობდა ჩიტის ოლქის სოფელ პესჩანკაში. 1929 წელს დაბრუნდა თელავში, სადაც მეტეოროლოგიურ სადგურში დამკვირვებლად მუშაობდა. რევოლუციონერი.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.220

• შრომის წითელი დროშის ორდენი
  რუსეთის პირველი რევოლუციის 50-ე წლისთავთან დაკავშირებით