ანა სულაქველიძე

თბილისის რკინიგზის №8 სკოლის ყოფილი გამგე. პარტიიდან გარიცხეს აქტიური ტროცკისტობის გამო. ბრალად დაედო, რომ პარტიისგან მალულად იყო აქტიური ტროცკისტი; 1927 წლიდან ეწეოდა არალეგალურ საქმიანობას, რისთვისაც თავის ბინაში სპეციალურად ჰქონდა შენახული საქართველოს ტროცკისტული ცენტრის ტექნიკა, რომელსაც დაპატიმრების მომენტამდე ინახავდა; შენიღბული სახით სახლში ინახავდა ნაღმების გარსს, საფანტს, ცეცხლსასროლ იარაღს, გასამრავლებელ აპარატ "რენოტიპს"; ბოლო დრომდე ჰქონდა მჭიდრო კავშირი გალდავას, დიდიძესა და დარახველიძესთან და სხვ. თავი დამნაშავედ ცნო ნაწილობრივ. მიესაჯა დახვრეტა. რეპრესირებული.

წყარო: ინფორმაციის თავისუფლების განვითარების ინსტიტუტის (IDFI) : ბიოგრაფიები: 1937-1938 წლების მასობრივი რეპრესიები საქართველოში: facebook.com; საქართველოს პარლამენტის ვებგვერდი: სტალინური სიები საქართველოდან: nplg.gov.ge