ნიაზ ძიაპშიპა

დაბადების ადგილი: ქ. ოჩამჩირე.

ფეხბურთის თამაში შედარებით გვიან, 16 წლის ასაკში ადგილობრივ "ახალგაზრდა დინამოელებთან" ერთად დაიწყო (მწვრთნელი ა. მინჯია); 1945 წლიდან სოხუმის "დინამოს" შემადგენლობაშია; 1946 წელს თბილისის "დინამოში" ჩაირიცხა; თამაში დუბლშემადგენლობიდან დაიწყო, მაგრამ უკვე შემდეგი წლიდან მყარად დამკვიდრდა ძირითად შემადგენლობაში; პირველსავე სეზონში 20 წლის ცენტრალურმა მცველმა საკავშირო ჩემპიონატის 19 მატჩი ითამაშა (სსრკ-ს ორწრიან პირველობაში იმ წელს ცამეტი გუნდი მონაწილეობდა), ხოლო თორმეტ სეზონში ჩემპიონატის 179, თასის გათამაშების 15 და 20 საერთაშორისო შეხვედრაში დაიცვა გუნდის ღირსება; თავდაპირველად მარჯვენა დაცვის პოზიციაზე თამაშობდა, მაგრამ გუნდის მთავარი მწვრთნელის, ანდრო ჟორდანიას გადაწყვეტილებით ის ცენტრალურ დაცვაში მყარად დამკვიდრდა, სადაც წლების განმავლობაში იცავდა გუნდის ღირსებას; ნიაზ ძიაპშიპა გამოძახებული იყო სსრკ-ს მეორე ნაკრებში; 1970 წელს მუშაობდა თბილისის "დინამოს" მეორე მწვრთნელად, იყო გუნდის უფროსიც. სამწვრთნელო მოღვაწეობას ეწეოდა "შრომით რეზერვებში", თბილისის ცნობილ 35-ე საფეხბურთო სკოლაში, გლდანის სპორტულ სკოლა-ინტერნატში; მუშაობდა სოხუმის "დინამოს" მთავარ მწვრთნელად; მიღწევები: დინამო თბილისი - საბჭოთა კავშირის ჩემპიონატი - ვიცე-ჩემპიონი: 1951;  ბრინჯაოს პრიზიორი: 1947, 1950; ინდივიდუალური - საბჭოთა კავშირის წლის 33 საუკეთესო ფეხბურთელის სიაში დასახელებულია შემდეგ ნომრად: №3: 1948, 1949, 1951, 1952; აფხაზი თავადების შთამომავალი, თბილისის "დინამოს" ცენტრალური მცველი.

წყარო: ქართული სპორტი: sport.gov.ge

• 1976 - საქართველოს დამსახურებული მწვრთნელი
• 1957 - საპატიო ნიშნის ორდენი
• 1952 - სსრკ სპორტის დამსახურებული ოსტატი