ნიკოლოზ ყოჩიაშვილი

დაბადების ადგილი: სოფელი ზემო მაჩხაანი, სიღნაღის რაიონი.

1933 წელს დაამთავრა წითელწყაროს გლეხთა ახალგაზრდობის სკოლა, ხოლო 1956 წელს გურჯაანის რაიონის სოფელ ბაკურციხის სასოფლო-სამეურნეო ტექნიკუმი უმცროსი აგრონომის პროფილით.

მუშაობდა სოფელ ჯაფარიძის კოლმეურნეობაში რიგით კოლმეურნედ. 1942-1946წწ. იყო სოფელ ჯაფარიძის სასოფლო საბჭოს თავმჯდომარე; 1946-1989წწ. ხელმძღვანელობდა სოფელ ჯაფარიძის კოლმეურნეობის გამგეობას. იყო საქართველოს უმაღლესი საბჭოს V, VI და VII მოწვევის დეპუტატი, წითელწყაროს რაიონის საბჭოს დეპუტატი, საქართველოსა და საბჭოთა კავშირის კომუნისტური პარტიის მე-20 და 23-ე ყრილობის დელეგატი, საკავშირო კოლმეურნეთა III და IV ყრილობის დელეგატი. დაჯილდოებულია ოთხი ორდენითა და ათი მედლით. კოლმეურნე, აგრონომი.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.360

• სოციალისტური შრომის გმირი