ივანე ყიფშიძე

დაბადების ადგილი: სოფელი შინდისი, გორის მაზრა.

დაამთავრა გორის სასულიერო სასწავლებელი 1896 წელს და აახენის (გერმანია) პოლიტექნიკური ინსტიტუტის სამთო ფაკულტეტი 1907 წელს.

1914 წლიდან მუშაობდა საქართველოს სამთო სამმართველოში, 1918 წლიდან იყო ამავე სამმართველოს უფროსი; 1930 წლიდან - ამიერკავკასიის სამთო-მეტალურგიული ინსტიტუტის, ხოლო 1936 წლიდან საქართველოს ინდუსტრიული ინსტიტუტის მაღაროს ვენტილაციისა და ტრანსპორტის კათედრის გამგე; 1938-1940წწ. იყო ამავე ინსტიტუტის სამთო ფაკულტეტის დეკანი; 1939-1959წწ. - საქართველოს პოლიტექნიკური ინსტიტუტის მაღაროს ვენტილაციისა და უსაფრთხოების ტექნიკის ფაკულტეტის კათედრის გამგე. მონაწილეობდა თბილისის სახელმწიფო უნივერსიტეტის პოლიტექნიკური ფაკულტეტის ჩამოყალიბებაში (1922), იყო ამ ფაკულტეტის მდივანი. ქართველი მეცნიერი სამთო დარგში, პროფესორი (1950).

წყარო: ქართული საბჭოთა ენციკლოპედია: ტ.10.-თბ., 1986. -გვ.656

• საქართველოს სამთოელთა სამეცნიერო-ტექნიკური საზოგადოება, ფუძემდებელი და თავმჯდომარე (1932-1940)

• 1946 - საქართველოს მეცნიერებათა დამსახურებული მოღვაწე
• შრომის წითელი დროშის ორდენი

• მტვერ-გაზის რეჟიმი ქვანახშირის შახტებში (ავტორი). - თბილისი, ტექნიკა და შრომა, 1948. - 108გვ.
• ნავთობი: წარმოშობა, საბადოები, ამოღება, საქართველოს ნავთობი (ავტორი). - თბილისი, ტექნიკა და შრომას გამომცემლობა , 1937. - 86გვ.