ნუგზარ მიხანაშვილი

დაბადების ადგილი: ქ. გორი. 

დაამთავრა საქართველოს სახელმწიფო სასოფლო-სამეურნეო ინსტიტუტის აგრონომიის ფაკულტეტი 1979 წელს.

1979 წელს გაიწვიეს სავალდებულო სამხედრო სამსახურში, იბრძოდა ავღანეთის დემოკრატიულ რესპუბლიკაში. საქართველოში დაბრუნების შემდეგ განაგრძო სწავლა ასპირანტურაში, დაამთავრა წარჩინებით, დაიცვა დისერტაცია და მიიღო სოფლის მეურნეობის მეცნიერებათა კანდიდატის წოდება. მუშაობდა ი. საბაშვილის სახელობის ნიადაგმცოდნეობის, აგროქიმიისა და მელიორაციის სამეცნიერო-კვლევით ინსტიტუტში, იყო ლაბორანტი, უფროსი მეცნიერ-თანამშრომელი. სპორტის ოსტატი ჭიდაობაში, თანრიგოსანი ჭადრაკსა და ცურვაში. 1988 წელს გააგზავნეს ავღანეთის დემოკრატიულ რესპუბლიკაში სოფლის მეურნეობის დეპარტამენტში მრჩევლად,  დაბრუნდა 1989 წელს. იყო ავღანეთის ვეტერანთა საქართველოს კავშირის თავმჯდომარის პირველი მოადგილე, იბრძოდა და დაიჭრა სამაჩაბლოში 1991 წელს. 1992 წელს იყო საქართველოს მე-3 მოწვევის პარლამენტის წევრი, საარჩევნო ბლოკი: "ერთობა", საარჩევნო ფორმა: პარტიული სიით. უფლებამოსილება შეუწყდა გარდაცვალების გამო. დაიღუპა აფხაზეთში მიმდინარე საომარი კონფლიქტის დროს, 1992 წლის 3 ნოემბერს სოფელ შრომასთან გამართული ბრძოლის დროს. საქართველოს ტერიტორიული მთლიანობისათვის მებრძოლი სამაჩაბლოსა აფხაზეთში.

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.310;  საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ.260; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.163

• ავღანეთის ომის ვეტერანთა კავშირი, თავმჯდომარის პირველი მოადგილე
• საქართველოს მე-3 მოწვევის პარლამენტი, წევრი (1992-1992)

• 1994 - ვახტანგ გორგასლის I ხარისხის ორდენი (გარდაცვალების შემდგომ)