თემურ მჟავია

დაბადების ადგილი: სოფელი კონჭკათი, ოზურგეთის რაიონი.

დაამთავრა სოხუმის სახელმწიდო პედაგოგიური  ინსტიტუტის ისტორია-ფილოლოგიის ფაკულტეტი 1975 წელს. 

1975-1979წწ. ეწეოდა პედაგოგიურ მოღვაწეობას; 1980-1992წწ. სამეურნეო საქმიანობას, სხვადასხვა პერიდში იყო: ქარხანა "სოხუმხელსაწყოს" კლუბის გამგე, კადრების განყოფილების მუშაკი, სამეურნეო განყოფილების გამგე, კინდღის სასათბურე მეურნეობა-კომბინატის კადრების განყოფილების უფროსი ინსპექტორი, სოხუმის ელექტრონული ტექნიკის ქარხნის მეურნეობის გამგე. წმიდა ილია მართლის საზოგადოების ცხუმ-აფხაზეთის რეგიონული ორგანიზაციის გამგეობის წევრი; 1990-1991წწ. საქართველოს პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა - თავისუფალი საქართველო", საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); აფხაზეთის ავტონომიური რესპუბლიკის უმაღლესი საბჭოს დეპუტატი 1991 წლიდან; 2004-2009წწ. აფხაზეთის ავტონომიური რესპუბლიკის უმაღლესი საბჭოს თავმჯდომარე; საქართველოს პრეზიდენტობის კანდიდატი (2013).

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ.263

• აფხაზეთის ავტონომიური რესპუბლიკის უზენაესი საბჭო, თავმჯდომარე (2004-2009)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს ჰუმანიტარულ სოციალურ საკითხთა კომისია, წევრი (1990-1991)