
	English Georgian

ძიება

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე

ბიოგრაფიის შემოთავაზება

ჩასწორება

მიხეილ მაჭავარიანი

დაბადების თარიღი:	28 მაისი, 1898
გარდაცვ. თარიღი:	26 დეკემბერი, 1937 (39 წლის ასაკში)
კატეგორია:	თანამდებობის პირი, ინჟინერი, პედაგოგი

ბიოგრაფია

დაბადების ადგილი: ქ. თბილისი.

1916 წელს ჩააბარა პეტროგრადის პოლიტექნიკური ინსტიტუტის მეტალურგიული განყოფილებაზე, იმავე წელს ჩაეწერა მოხალისედ და იბრძოდა პირველი მსოფლიო ომის ახალციხის ფრონტზე. 1917 წელს დაბრუნდა პეტროგრადში. 1919 წელს, ნოე ჟორდანიას მთავრობის დაფინანსებით სწავლის გასაგრძელებლად გაემგზავრა საფრანგეთში, გრენობლის უნივერსიტეტში, რომელიც დაამთავრა 1924 წელს და მიიღო ინჟინერ-ელექტრიკოსის (I.E.G.) დიპლომი. იგი თავისუფლად ფლობდა რუსულ, ფრანგულ და იტალიურ ენებს. საქართველოში დაბრუნდა 1927 წელს, კითხულობდა სალექციო კურსს საქართველოს პოლიტექნიკურ ინსტიტუტში. იყო საქართველოს პირველი ელექტროსადგურის - ზაჰესის მთავარი ინჟინერ-ელექტრიკოსი, ამიერკავკასიის რკინიგზის ელექტრიფიკაციის განყოფილების საპროექტო განყოფილების უფროსი. დააპატიმრეს 1937 წლის 2 სექტემბერს. ბრალად ედებოდა, რომ იყო გადაბირებული ამიერკავკასიის რკინიგზის კონტრრევოლუციურ-ტროცკისტულ ორგანიზაციის წევრის, ლევინის მიერ და ეწეოდა მავნებლობას რკინიგზის ელექტიფიკაციის დაპროექტების ხაზით, რის შედეგადაც თბილისი-აღსთაფის მონაკვეთზე ზარალმა შეადგინა ოთხი მილიონი მანეთი; მენშევიკურმა მთავრობამ საფრანგეთში გაგზავნა სასწავლებლად, სადაც 1925 წლამდე რჩებოდა საქართველოს მოქალაქედ; საბჭოთა კავშირში დაბრუნების შემდეგ ინარჩუნებდა კავშირს უცხოეთთან; იყო შოვინისტურად განწობილი და ეწეოდა ანტისაბჭოთა აგიტაციას. "სამეულის" სხდომა ჩატარდა 1937 წლის 25 დეკემბერს, დახვრიტეს 1937 წლის 25 დეკემბერს, ხოლო ოჯახს განუცხადეს, რომ გარდაიცვალა 1945 წლის 25 იანვარს, ტვინში სისხლჩაქცევით. რეაბილიტირებულ იქნა საქართველოს უმაღლესი სასამართლოს 1956 წლის 22 ივნისის გადაწყვეტილებით. მეტალურგი, ელექტროინჟინერი, მთარგმნელ ივანე მაჭავარიანის შვილი.

წყარო: ინფორმაციის თავისუფლების განვითარების ინსტიტუტის (IDFI) : ბიოგრაფიები: 1937-1938 წლების მასობრივი რეპრესიები საქართველოში: facebook.com

გააზიარე: