ზურაბ მურვანიძე

დაბადების ადგილი: ქ. თბილისი.

დაამთავრა ტვერის (რსფსრ) სახელმწიფო სამედიცინო უნივერსიტეტი 1972 წელს; ტვერის უნივერსიტეტის ჟურნალისტიკის ფაკულტეტი; თბილისის სამხატვრო აკადემიასთან არსებული სტუდია; თბილისის სახელმწიფო სამედიცინო ინსტიტუტის ასპირანტურა ნეიროქირურგის სპეციალობით 1984 წელს.

თბილისის სახელმწიფო სამედიცინო ინსტიტუტის ნეიროქირურგიის კათედრის ექიმი; საქართველოს სახელმწიფო საბჭოს წევრი (1992), არჩეული პარტიათა საკოორდინაციო საბჭოდან; 1992-1995წწ. საქართველოს მე-3 მოწვევის პარლამენტის წევრი, საარჩევნო ბლოკი: "კონსტიტუციონალურ–დემოკრატიული პარტია", საარჩევნო ფორმა: პარტიული სიით; საქართველოს საკონსტიტუციო კომისიის წევრი (1995). ორი გამოგონებისა და 67 სამეცნიერო ნაშრომის ავტორი ბიოენერგეტიკასა და ონკოლოგიაში; 300-ზე მეტი სტატიის ავტორი შიდა და საგარეო პოლიტიკის საკითხებში; მონაწილეობას ღებულობდა სამხატვრო გამოფენებში საქართველოში, რუსეთში, უკრაინაში, პოლონეთში, ამერიკის შეერთებულ შტატებში; მისი ნამუშევრები ინახება მსოფლიოს მრავალ ქვეყანაში; დაარსა ახალგაზრდული კლუბები ტვერში, მოსკოვში, თბილისში; წერდა სცენარებს, მოთხრობებს, ლექსებს, მუსიკას. ატლანტის საპატიო მოქალაქე (აშშ), ავტორი და წამყვანი სატელევიზიო პროგრამისა "რატომ? Why?"; 1999-2005წწ. საქართველოს შრომის, ჯანმრთელობისა და სოციალური დაცვის მინისტრის მრჩეველი მოსახლეობასთან ურთიერთობის საკითხებში. საქართველოში სადეკრეტო დროის და პურის ბარათების ავტორი, ექიმი-ნეიროქირურგი.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 265

• საქართველოს დახმარების საერთაშორისო ფონდი, პრეზიდენტი
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის საპარლამენტო ეთიკისა და პრივილეგიების კომისია, თავმჯდომარის მოადგილე (1992-1995)