გიორგი დევდარიანი

დაბადების ადგილი: დაბა ხარაგაული.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1982 წელს; ამავე წლიდან იყო მოსკოვის სახელმწიფო უნივერსიტეტის ასპირანტი.

1986 წლიდან მუშაობს თბილისის სახელმწიფო უნივერსიტეტის გამოყენებითი მათემატიკის ინსტიტუტში; ამავდროულად, საქართველოს პოლიტექნიკურ ინსტიტუტში; 1993-1997წწ. იყო მოსკოვის სახელმწიფო უნივერსიტეტის დოქტორანტი; 1997 წლიდან კვლავ თბილისის სახელმწიფო უნივერსიტეტის გამოყენებითი მათემატიკის ინსტიტუტში და უნივერსიტეტის მექანიკა-მათემატიკის ფაკულტეტზე მოღვაწეობს. მისი სამეცნიერო მოღვაწეობის ძირითადი თემატიკაა ფუნქციათა თეორია, წრფივ და არაწრფივ დიფერენციალურ განტოლებათა თეორია, წრფივი და არაწრფივი დრეკადობის თეორიის საკითხები, გარსთა თეორია, გაზური დინამიკის საკითხები და მართვის თეორია. ფიზიკა-მათემატიკის მეცნიერებათა დოქტორი (1997), პროფესორი (1998).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.213-214