სერგო კარიპიდისი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფეკულტეტი 1958 წელს.

სხვადასხვა დროს მუშაობდა თბილისის ელექტრომავალმშენებელი ქარხნის საკონსტრუქტორო ბიუროში: კონსტრუქტორად, განყოფილების გამგედ; საქართველოს ტექნიკურ უნივერსიტეტში ელექტრული ტრანსპორტის კათედრის გამგედ; საქართველოს ტექნიკური უნვიერსიტეტის სატრანსპორტო და მანქანათმშენებლობის ფაკულტეტის სარკინიგზო ტრანსპორტის დეპარტამენტის ელექტრული ტრანსპორტის მიმართულების ხელმძღვანელად; 1977 წელს მისი უშუალო ხელმძღვანელობით თბილისის ელექტრომავალმშენებელ ქარხანაში დამუშავდა და წარმოებაში დაინერგა მსოფლიოში პირველი კოქსმქრობი ელექტრომავალი (ЭК-14) ტირისტორული მართვით და სიჩქარის ავტომატური რეგულირების სისტემით, რისთვისაც მას ავტორთა კოლექტივთან ერთად მიენიჭა საქართველოს სახელმწიფო პრემია; 1985-1989წწ. მისი ხელმძღვანელობით მაგისტრალურ ელექტრომავლებზე (ВЛ10, ВЛ11, ВЛ15) НБ436А გარდამქმნელის ნაცვლად შეიქმნა და დაინერგა რეკუპერაციული დამუხრუჭების რეჟიმის ავტომატური რეგულირების სისტემა, სტატიკური ტირისტორული გარდამქმნელის ბაზაზე; 2000 წელს მისი ხელმძღვანელობით მოდერნიზაცია გაუკეთდა მუდმივი დენის ЭР-2 სერიის ელექტრომატარებლებს; სიჩქარის რეგულირების კონტაქტორულ-რეოსტატული სისტემა შეიცვალა იმპულსური რეგულირების სისტემით (12 ელექტრომატარებელი), რომლებიც წარმატებით მუშაობენ საქართველოს რკინიგზაზე. ტექნიკის მეცნიერებათა დოქტორი (1987), პროფესორი (1989).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.233

• 1977 - საქართველოს სახელმწიფო პრემია (ერთობლივი გამარჯვება)

• Статические преобразователи электроподвижного состава : Монография (ავტორი). - Тбилиси, Техн. ун-т, 2015. - 216с. . - ISBN: 9789941205293
• ელექტრული წევის საფუძვლები : სახელმძღვ. (ავტორი). - თბილისი, ტექნ. უნ-ტი, 2014. - 400გვ.