ეკატერინე ჯანაგოვა

დაბადების ადგილი: ქ.თბილისი.

ეკატერინე ჯანაგოვა დაპატიმრებამდე მუშაობდა თბილისის ბაქტერიოფაგის ინსტიტუტში, დააპატიმრეს 1937 წლის 15 აპრილს. ბრალად ედებოდა, რომ კონტრრევოლუციურ-ტროცკისტულ, ტერორისტულ-დივერსიულ-მავნებლურ ორგანიზაციაში გადაიბირა ინგლისური და ფრანგული დაზვერვის რეზიდენტმა, პროფესორმა გიორგი ელიავამ, ვისი დავალებითაც, ბაქტერიოლოგიაში ეწეოდა დივერსიულ-მავნებლურ საქმიანობას; გიორგი ელიავას დავალებით ნაციონალისტურად განწყობილი სომხური ინტელიგენციის რიგებიდან ამ კონტრრევოლუციურ ორგანიზაციაში ეწეოდა ახალი წევრების გადაბირებას. "სამეულის" სამხედრო კოლეგიის სხდომა ჩატარდა 1937 წლის 1 ოქტომბერს, მისაჯა დახვრეტა. ექიმი-ბაქტერიოლოგი.

წყარო: ინფორმაციის თავისუფლების განვითარების ინსტიტუტის (IDFI) : ბიოგრაფიები: 1937-1938 წლების მასობრივი რეპრესიები საქართველოში: facebook.com; საქართველოს პარლამენტის ეროვნული ბიბლიოთეკის ვებგვერდი: სტალინური სიები საქართველოდან: nplg.gov.ge