ლონდა თოლორაია

დაბადების ადგილი: ქ. ქუთაისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 2006 წელს; 2008 წელს მიენიჭა სამართალმცოდნეობის მაგისტრის ხარისხი.
2009 წლის თებერვალიდან - 2009 წლის აგვისტომდე იყო ძველი თბილისის რაიონული პროკურატურის პროკურორი; 2009 წლის აგვისტო-თებერვალში კი, ანალიტიკური სამმართველოს პროკურორი საქართველოს მთავარ პროკურატურაში; 2010 წლიდან კოორდინაციას უწევდა არასრულწლოვანთა მართლმსაჯულების პროცესს, მათ შორის განრიდება-მედიაციის პროგრამას საქართველოს პროკურატურაში; 2010 წლიდან არის ტრენერი; 2010 წლის თებერვალიდან დეკემბერამდე იყო მთავარი პროკურატურის შინაგან საქმეთა სამინისტროს ტერიტორიულ ორგანოებში საპროკურორო საქმიანობაზე ზედამხედველობის დეპარტამენტის პროკურორი; 2010- 2012წწ. იყო საქართველოს მთავარი პროკურატურის, ქ. თბილისის ტერიტორიულ ორგანოებში საპროკურორო საქმიანობაზე ზედამხედველობის სამმართველოს უფროსი; მისი უშუალო ხელმძღვანელობით და აქტიური მონაწილეობით დაინერგა პროკურატურაში არასრულწლოვანთა მართლმსაჯულების ახალი კოდექსი, განხორციელდა არასრულწლოვანთა მართლმსაჯულებაში სპეციალიზებულ პროკურორთა და გამომძიებელთა გადამზადება; მისი ინიციატივით საქართველოს ყველა რეგიონში შეიქმნა არასრულწლოვანთა ადგილობრივი მულტიდისციპლინური ჯგუფები მოსამართლეების, პროკურორების, გამომძიებლების, ადვოკატების, სოციალური მუშაკების, მედიატორებისა და განათლებისა და მეცნიერების სამინისტროს წარმომადგენლების მონაწილეობით; ჩართული იყო არასრულწლოვანზე ორიენტირებული გარემოს კონცეფციის შექმნისა და არასრულწლოვანთა შესახებ მონაცემთა შეგროვების სრულყოფის პროცესში; მონაწილეობას იღებდა ადამიანის უფლებათა ევროპული სასამართლოს პრაქტიკის შესაბამისად, დაკავებისა და პატიმრობის სტანდარტებში, პროკურორთა გადამზადებაში; მისი ხელმძღვანელობით განხორციელდა გამოძიების ელექტრონული პროგრამის, ასევე, პროკურორთა შეფასების სისტემის დანერგვა, პროკურატურის სტრატეგიისა და სამოქმედო გეგმის შემუშავება; კოორდინირებას უწევდა მოწმისა და დაზარალებულის კოორდინატორის სამსახურს და მათ საქმიანობას. ხელმძღვანელობდა პროექტ "ადგილობრივი საბჭოს" საქართველოს სხვადასხვა რეგიონში დანერგვის პროცესს; 2012-2013წწ. იყო საქართველოს მთავარ პროკურატურაში ინოვაციური პროექტების მართვის სამმართველოს უფროსი; და 2013-2016წწ. ანალიტიკური სამმართველოს უფროსი; 2016-2018წწ. საპროკურორო საქმიანობაზე ზედამხედველობისა და სტრატეგიული განვითარების დეპარტამენტის უფროსის მოადგილე; 2016 წლიდან არის მიწვეული ლექტორი აღმოსავლეთ ევროპის უნივერსიტეტში (საგანი - არასრულწლოვანთა მართლმსაჯულება); 2017 წლიდან მიწვეული ლექტორი შინაგან საქმეთა სამინისტროს პოლიციის აკადემიაში (საგანი - სისხლის სამართალი); 2018-2019წწ. ხელმძღვანელობს შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტს; 2019 წლის 11 ივნისს, საქართველოს პარლამენტმა სახელმწიფო ინსპექტორის თანამდებობაზე ლონდა თოლორაია აირჩია და 3 ივლისიდან ახორციელებს სახელმწიფო ინსპექტორის უფლებამოსილებას.

წყარო: სახელმწიფო ინსპექტორის სამსახური: personaldata.ge