ანზორ კვარაცხელია

დაბადების ადგილი: ქ. წალენჯიხა.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი ხიდებისა და გვირაბების სპეციალობით 1969 წელს.

1963-1969წწ. - საქართველოს პოლიტექნიკური ინსტიტუტის სამეურნეო თემაზე ინჟინერი; 1969-1970წწ. - მასალათა გამძლეობის და დრეკადობის თეორიის კათედრის პრეპარატორი; 1970-1973წწ. - ასპირანტი; 1974-1978წწ. - კათედრის ასისტენტი; 1978 წლიდან - კათედრის დოცენტი; 2002 წლიდან - კათედრის პროფესორი; 1987 წლიდან - დაუსწრებელი სწავლების ფაკულტეტის დეკანი. სამეცნიერო მოღვაწეობის თემა ეხება მრავალფენიანი ბრტყელი ანიზოტროპული ნებისმიერი მოხაზულობის ფირფიტების გაანგარიშების საკითხებს; კვლევის საგანი: მრავალფენიანი არაერთგვაროვანი ორგანზომილებიანი გარსებისა და ფირფიტების დაძაბულ-დეფორმირებულ მდგომარეობა. მიღებული აქვს საქართველოს საპატრიარქოს სიგელი (2004). ტექნიკის მეცნიერებათა დოქტორი (1999), პროფესორი (2002).

სადოქტორო დისერტაციის თემა - "მრავალფენიანი არაერთგვაროვანი ორთოტროპული გარსებისა და ფირფიტების დაძაბულ-დეფორმირებული მდგომარეობის გამოკვლევა", დაიცვა 1999 წელს.

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.234; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.94

• რუსეთის საბუნებისმეტყველო აკადემია, ნამდვილი წევრი (2002-)
• ფაზისის მეცნიერებათა აკადემია, ნამდვილი წევრი (2005-)

• 2003 - ღირსების ორდენი
• 1998 - ღირსების მედალი
  ქართული ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი თვალსაჩინო პირადი წვლილისათვის

• დრეკადობის, პლასტიკურობის და ცოცვადობის თეორიების საფუძვლები : სახელმძღვ. სტუდ. (თანაავტორი). - თბილისი, ტექნ. უნ-ტი, 2005. - 191გვ. . - ISBN: 9994040979
• დრეკადობის და პლასტიკურობის თეორიის საფუძვლები : დამხმ. სახელმძღვ. (თანაავტორი). - თბილისი, ტექნ. უნ-ტის გამ-ბა, 1997. - 82გვ.
• დინამიკის ამოცანები მასალათა გამძლეობაში : დამხმ. სახელმძღვ. (ავტორი). - თბილისი, ტექნ. უნ-ტის გამ-ბა, 1997. - 44გვ.