ტარიელ კვიციანი

დაბადების ადგილი: სოფელი ბეჩო, მესტიის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1969 წელს.

1969-1972წწ. - საქართველოს ჰიდროტექნიკის და მელიორაციის სამეცნიერო-კვლევითი ინსტიტუტის უმცროსი მეცნიერ-მუშაკი; 1972-1975წწ. -  ასპირანტი; 1977 წლიდან საქართველოს ტექნიკური უნივერსიტეტის თეორიული მექანიკის კათედრა - ასისტენტი, უფროსი მასწავლებელი, დოცენტი, პროფესორი; 1998-2007წწ. - თეორიული მექანიკის კათედრის გამგე; 2007 წლიდან - საინჟინრო მექანიკის დეპარტამენტის თეორიული მექანიკის მიმართულების ხელმძღვანელი. სამეცნიერო კვლევის ძირითადი თემატიკაა: თხელკედლიანი ცილინდრული გარსების დაძაბულ-დეფორმირებული მდგომარეობის გამოკვლევა (2006-2008); ცვალებადი მასის მქონე სისტემის და ცვალებადი ხარჯის მქონე სითხის დინამიკის ამოცანები (2007-2009); თაღოვანი კაშხალების სიმტკიცეზე გაანგარიშების კომბინირებული მეთოდი და ოპტიმალური პარამეტრების შერჩევის საკითხები (2009-2012); ბუნებრივი და ხელოვნური ფერდობების სტატიკური მდგრადობა-არამდგრადობის ამოცანები; მეწყერ-ჩამონაქცევების და თოვლის ზვავების დინამიკური პროცესების მათემატიკური მოდელირების ამოცანები. მის მიერ მიღებულია გამოყენებითი და პრაქტიკული მნიშვნელობის მქონე არაერთი შედეგი. გამოქვეყნებული აქვს მრავალი სამეცნიერო ნაშრომი, 5 მონოგრაფია, 11 სახელმძღვანელო. პედაგოგიკისა (1999) და ტექნიკის მეცნიერებათა დოქტორი (2001), პროფესორი (2003).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.234-235; სვანეთი და სვანები / ირაკლი დვალი, გივი ქურდიანი.-თბ., 2014.-გვ.209; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 17

• საერთაშორისო ინფორმატიკის აკადემია, აკადემიკოსი (1997-)
• საქართველოს მათემატიკური საზოგადოების, წევრი (1980-)
• საქართველოს მექანიკოსთა კავშირი, პრეზიდიუმის წევრი (2000-)
• საქართველოს ტექნიკური უნივერსიტეტის სამშენებლო ფაკულტეტის სადისერტაციო საბჭო, თავმჯდომარე

• თეორიული მექანიკის კურსი: სტატიკა და კინემატიკა : სახელმძღვანელო (ავტორი). - თბილისი, ტექნ. უნ-ტი, 2015. - 564გვ.. - ISBN: 9789941205699
• თაღოვანი კაშხლების სიმტკიცეზე გაანგარიშების კომბინირებული მეთოდი და ოპტიმალური პარამეტრების შერჩევის საკითხები (თანაავტორი). - თბილისი, ინტელექტი, 2013. - 219გვ. . - ISBN: 9789941446054
• მექანიკა: მარად ცოცხალი მეცნიერება (ავტორი). - თბილისი, ტექნ. უნ-ტი, 2005. - 106გვ.. - ISBN: 9994008374
• მათემატიკა: პარამეტრების შემცველი განტოლებები, უტოლობები და სისტემები (ავტორი). - თბილისი, ტექნ. უნ-ტი, 1999. - 736გვ.