დოდო ლომიძე

დაამთავრა თბილისის სახელმწიფო უნივერსიტეტის ისტორიის ფაკულტეტი 1970 წელს; თბილისის სახელმწიფო უნივერსიტეტის ხელოვნების საზოგადოებრივი პროფესიის ფაკულტეტი მუსიკისმცოდნის სპეციალობით 1974 წელს.

მუშაობდა კორნელი კეკელიძის ხელნაწერთა ინსტიტუტის უფროს მეცნიერ-თანამშრომლად; დამუშავებული აქვს ნიკო ბერძენიშვილის პირადი არქივი და იყო მისი სახელობის კაბინეტის გამგე; კითხულობდა საქართველოს ისტორიის ლექციების კურსს ახალციხის უნივერსიტეტში, ასწავლიდა მუსიკის თეორიის საგნებს სოფეკ დიღმის სამუსიკო სკოლაში; დ. ლომიძის სამეცნიერო საქმიანობა მოიცავდა XVIII საუკუნის საქართველოს ისტორიის პოლიტიკურ და კულტურულ საკითხებს. საბჭოთა პერიოდში საქმიანი მიმოწერა ჰქონდა ლოს-ანჟელესის უნივერსიტეტის ხელოვნებისა და არქეოლოგიის კათედრის ხელმძღვანელთან, პროფესორ ვახტანგ ჯობაძესთან. მის მიერ გამოგზავნილი ფოტომასალები, რომლებიც უცხოეთის სიძველეთსაცავებში დაცულ ქართულ ხელოვნების ნიმუშებსა და ტაო-კლარჯეთის ძეგლებს ასახავს, ამჟამად ხელნაწერთა ეროვნულ ცენტრში ინახება. დ. ლომიძის მონოგრაფია "ყიზილბაშობა 1735-1749 წლების აღმოსავლეთ საქართველოში" გამოიცა მისი გარდაცვალების შემდეგ. ისტორიის მეცნიერებათა კანდიდატი.

• 1998 - ნიკო ბერძენიშვილის სახელობის პრემია

• ყიზილბაშობა 1735-1749 წლების აღმოსავლეთ საქართველოში (ავტორი). - თბილისი, არტანუჯი, 2007. - 178გვ.. - ISBN: 9789994059669
• ვახუშტი ბაგრატიონის "აღწერა სამეფოსა საქართველოსა" - ტექსტის ისტორია და ხელნაწერის აღწერილობა : ვახუშტი ბაგრატიონის ნაშრომის დაწერის დრო და ადგილი (ავტორი) // ვახუშტი ბაგრატიონი ისტორიკოსი და გეოგრაფოსი. - თბილისი, 1997. - გვ.158-170