გიორგი მალასიძე

დაბადების ადგილი: სოფელი ჩაილური, საგარეჯოს რაიონი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1962 წელს.

1962 წლიდან მუშაობდა აბასთუმნის ასტროფიზიკურ ობსერვატორიაში: 1962-1965წწ. უმცროსი მეცნიერ-მუშაკი; 1965-1968წწ. ასპირანტი; 1968-1972წწ. ობსერვატორიის უმცროსი მეცნიერ-მუშაკი; 1972 წლიდან საქართველოს პოლიტექნიკური ინსტიტუტის უფროსი მასწავლებელი, დოცენტი, პროფესორი; პარალელურად, 1988-2003წწ. თბილისის სახელმწიფო უნივერსიტეტის ასტრონომიის კათედრა. მისი სამეცნიერო ინტერესთა სფეროა ასტროფიზიკა (ვარსკვლავთა სისტემების კინემატიკა-დინამიკა), ჩვენი გალაქტიკის გრავიტაციული ველის მოდელირება. მის მიერ აღმოჩენილი იქნა გალაქტიკის გრავიტაციული ველის შესატყვისი გრავიტაციული პოტენციალის ორიგინალური ფორმა, რომლისთვისაც ანალიზურად ამოიხსნა გალაქტიკური ორბიტების ბრტყელი ამოცანა სპეციალურ ფუნქციებში. შემდგომში, გალაქტიკის მასების განაწილების სივრცული ორიგინალური მოდელის გამოყენებით გამოკვლეული იქნა ზოგიერთი გალაქტიკური წარმონაქმნების სამგანზომილებიანი ორბიტები. ფიზიკა-მათემატიკის მეცნიერებათა დოქტორი (2003), პროფესორი (2003).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.240

• თეორიული მექანიკა : სახელმძღვანელო (ავტორი). - ახალციხე, ახალციხის უნივერსიტეტი, 2016. - 190გვ.. - ISBN: 9789941944161
• ასტრონომია და ცივილიზაცია : არჩევითი კურსი (რედაქტორი). - თბილისი, თბილ. უნ-ტის გამ-ბა, 2004. - 16გვ.
• მეთოდური მითითებები საკურსო სამუშაოს შესასრულებლად ცვლადი მასის მქონე წერტილის მექანიკაში : დინამიკა (შემდგენელი). - თბილისი, საქ. პოლიტექნ. ინ-ტის გამ-ბა, 1984. - 30გვ.