ოთარ მარგველაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკური ფაკულტეტი, სპეციალობით "ავტომობილები და ტრაქტორები" 1948 წელს.

1948-1954წწ. მუშაობდა თბილისის ავტოშემკეთებელ ქარხანაში; 1954-1960წწ. - საქართველოს სოფლის მეურნეობის მექანიზაციისა და ელექტრიფიკაციის სამეცნიერო-კვლევით ინსტიტუტში; 1960-2010წწ. (სიცოცხლის ბოლომდე) საქართველოს მეცნიერებათა აკადემიის მანქანათა მექანიკის ინსტიტუტში დირექტორის მოადგილედ სამეცნიერო ნაწილში; 1976-1986წწ. - შეთავსებით, საქართველოს პოლიტექნიკურ ინსტიტუტში "ავტომობილების და ტრაქტორების" კათედრაზე პროფესორის თანამდებობაზე. მისი სამეცნიერო მოღვაწეობის სფეროები იყო ავტომობილებისა და ტრაქტორების თეორია, ტრაქტორის ავტომატური მართვის სისტემები, მაღალი გამავლობის მობილური მანქანები, დაბალტემპერატურიანი ენერგიის მექანიკურ ენერგიად გარდაქმნის პრობლემები; მის მიერ ჩატარებულია ტრაქტორის ელასტიური თვლების გვერდცდენის მოვლენის გამოკვლევა; მისი ხელმძღვანელობით პირველად შეიქმნა და გაიარა სახელმწიფო გამოცდები ტრაქტორის ავტომატური მართვის უკონტაქტო ფოტოოპტიკურმა სისტემამ. ტექნიკის მეცნიერებათა დოქტორი (1973), პროფესორი (1980), უნგრეთის რესპუბლიკის დამსახურებული ინჟინერი.

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.242; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.48

• 2000 - ღირსების ორდენი
• მედალი "შრომითი მამაცობისთვის"

• Научные основы адаптации мобильных машин к экстремальным условиям работы (ავტორი). - Тбилиси, Мецниереба, 1992. - 157с.
• Курсовая устойчивость трактора. - Тбилиси, Мецниереба, 1984. - 84с.
• Автовождение трактора с помощью фотооптической системы управления (ავტორი). - Тбилиси, Мецниереба, 1974. - 126с.
• Бесконтактная фотооптическая система автоматического вождения трактора (თანაავტორი). - Тбилиси, Мецниереба, 1971. - 78с.
• Сельскохозяйственные склоноходы (თანაავტორი). - Тбилиси, Мецниереба, 1965. - 52с.
• Тормоз-замедлитель выхлопного типа с автоматическим управлением для грузового автомобиля (თანაავტორი). - Тбилиси, Изд-во АН Груз. ССР, 1961. - 16с.