გიორგი დევდარიანი

დაბადების ადგილი: ქ. თბილისი.
პროფესიული სამწვრთნელო კარიერა 2002 წელს საფეხბურთო კლუბ "თბილისში" დაიწყო, რომელშიც 2004 წლის ივლისამდე მუშაობდა; 2011 წელს სათავეში ჩაუდგა თბილისის "დინამოს" მეორე გუნდს; ერთი წლის თავზე "დინამოს" მთავარი გუნდის მწვრთნელი გახდა; 2012 წლის ოქტომბრიდან 2013 წლის მარტის ჩათვლით საქართველოს 17 წლამდე ფეხბურთელთა ნაკრებში მუშაობდა; მისი თავკაცობით ახალგაზრდა ქართველმა ფეხბურთელებმა ლუქემბურგისა და შოტლანდიის 17 წლამდე ფეხბურთელთა ნაკრები დაამარცხეს, ჯგუფიდან მეორე პოზიციით გავიდნენ; 2013 წლის ივნისიდან გორის "დილას" თავკაცი გახდა და შეძლო გუნდი ევროპის ლიგის პლეი-ოფამდე გაეყვანა, მისი გუნდი ვენის "რაპიდთან" დამარცხდა; ამავე წლის ოქტომბერში "დილას" მწვრთნელის პოსტი დატოვა; 2014 წლის აგვისტოდან 2015 წლის ივლისამდე წვრთნიდა საქართველოს 19 წლამდელთა ნაკრებს; 2015-2017წწ. "ტრაბზონსფორის" მთავარი მწვრთნელის, შოთა არველაძის თანაშემწე. ფეხბურთის მწვრთნელი.