ალექსანდრე ლაშხი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მეკანიკა-მათემატიკის ფაკულტეტი 1968 წელს; 1968-1971წწ. იყო მოსკოვის უნივერსიტეტის ასპირანტი ალგებრის კათედრაზე (ხელმძღვანელი პროფ. ა. შმელკინი).

1973 წელს თბილისის სახელმწიფო უნივერსიტეტში წარმატებით დაიცვა ფიზიკა-მათემატიკის მეცნიერებათა კანდიდატის ხარისხი, სპეციალობით ლოგიკა, ალგებრა, რიცხვთა თეორია; 1971-1984წწ. იყო მეცნიერებათა აკადემიის ანდრია რაზმაძის სახელობის მათემატიკის ინსტიტუტის უფროსი მეცნიერ-თანამშრომელი; 1984-1985წწ. - საქართველოს ტექნიკური უნივერსიტეტის უმაღლესი მათემატიკის კათედრის გამგე; 1989 წელს დაიცვა ფიზიკა-მათემატიკის მეცნიერებათა დოქტორის ხარისხი, სპეციალობით გეომეტრია და ტოპოლოგია; 1973-1990წწ. პერიოდულად, როგორც მეცნიერ მუშაკი, დოქტორანტი, მიწვეული პროფესორი, თანამშრომლობდა მოსკოვის უნივერსიტეტის ალგებრის კათედრასა და სტეკლოვის სახელობის მათემატიკის ინსტიტუტში; 2005-2007წწ. და 2008-2009წწ. იყო ბათუმის სახელმწიფო უნივერსიტეტის რექტორის მოადგილე; 2007-2008წწ. - რექტორი; 2012 წლიდან - გამოთვლითი მათემატიკის ინსტიტუტის მთავარი მეცნიერ თანამშრომელი, საქართველოს ტექნიკური უნივერსიტეტის გამოთვლითი მათემატიკის დეპარტამენტის ხელმძღვანელი; 1983 წლიდან იგი ხშირად იყო მიწვეული პროფესორი საზღვარგარეთ (საფრანგეთი, ინგლისი, ისრაელი, იტალია, გერმანია და სხვ.). 180-ზე მეტი სამეცნიერო ნაშრომის, მრავალი სტატიის, სახელმძღვანელოს ავტორი. იყო 6 მეცნიერებათა დოქტორის, 25 მეცნიერებათა კანდიდატის, 4 აკადემიური დოქტორის ხელმძღვანელი. ფიზიკა-მათემატიკის მეცნიერებათა დოქტორი (1989), პროფესორი.

წყარო: მათემატიკოსები საქართველოს პოლიტექნიკურ ინსტიტუტში: 1917-2014/ლიდა ბერიძე. -თბ., 2014. -გვ.142-143; საქართველო: ენციკლოპედია: ტ.5. -თბ.,2023. -გვ.310

• ფინანსური რისკები და მათი ხარისხის დაწევის მათემატიკური მოდელები (რედაქტორი). - თბილისი, 2015. - 606გვ. . - ISBN: 9789941081309
• ქრონიკები მათემატიკური განათლების ისტორიიდან საქართველოში (1800-2010 წწ.) (თანაავტორი). - თბილისი, ტექნ. უნ-ტი, 2013. - 365გვ. . - ISBN: 978-9941-0-5671-0
• ალგებრა და რიცხვთა თეორია : მათემატიკის სპეციალობის სტუდენტებისათვის (რედაქტორი) // ნაწ. 2. - ბათუმი, შოთა რუსთაველის სახელმწ. უნ-ტის გამ-ბა, 2013. - 388გვ.. - ISBN: 9789941434365
• ფინანსური რისკები და მათი მართვის მეთოდები : სახელმძღვანელო (რედაქტორი). - თბილისი, 2012. - 282გვ. . - ISBN: 9789941041358
• ინვესტიციები ფასიან ქაღალდებში : სახელმძღვანელო (რედაქტორი). - თბილისი, 2011. - 523გვ. . - ISBN: 9789941030284
• საქართველოში საინვესტიციო გარემოს სრულყოფის პრინციპები (რედაქტორი). - თბილისი, 2009. - 189გვ.. - ISBN: 9789941014864