ნინო მაღნარაძე

დაბადების ადგილი: ახალი სენაკი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი 1939 წელს; 1939-1942წწ. იყო ასტრონომიის კათედრის ასპირანტი ცის მექანიკის სპეციალობით.

1941-1992წწ. მუშაობდა თბილისის სახელმწიფო უნივერსიტეტში მასწავლებლის, ასისტენტის, დოცენტის, პროფესორის თანამდებობებზე. მისი სამეცნიერო შრომები ეძღვნება ცის მექანიკის აქტუალურ საკითხებს. კერძოდ, იგი იკვლევდა ცვლადი მასის მქონე კოსმოსური სხეულების (მეტეორიტები, კომეტები, თანამგზავრები) მოძრაობას; მან შეიმუშავა ახალი ეფექტური მეთოდი ცვალებადმასიანი სხეულის მოძრაობის ამოცანების შესასწავლად - კოსმიური სივრცის ფრენის პირობებში. ეს მეთოდი საშუალებას იძლევა ამ ამოცანების არა მარტო ანალიზური ამონახსნის მიღებას, არამედ საკმაოდ ხელსაყრელია თანამედროვე ელექტრონულ-გამომთვლელ მანქანებზე რიცხვითი რეალიზაციისათვის. ფიზიკა-მათემატიკის მეცნიერებათა დოქტორი (1966), პროფესორი (1969). პირველი ქალი საქართველოში, რომელსაც ფიზიკა-მათემატიკის მეცნიერებათა დოქტორის ხარისხი მიენიჭა.

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.244-245;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 589

• ივანე ჯავახიშვილის სახელობის მედალი