ისაკ ნოვრუზოვი

დაბადების ადგილი: სოფელი მსხალდიდი, გარდაბნის რაიონი.

დაამთავრა ა. ს. პუშკინის სახელობის თბილისის სახელმწიფო პედაგოგიური ინსტიტუტის ისტორიის ფაკულტეტი 1975 წელს.

1966-1995წწ. ეწეოდა პარტიულ-სამეურნეო საქმიანობას: 1966-1968წწ. ლისის სასოფლო საბჭოს სამხედრო მაგიდის უფროსი; 1968-1974წწ. მსხალდიდის სკოლის გამგე, დირექტორი; 1974-1982წწ. საქართველოს ალკკ გარდაბნის რაიკომის მდივანი, პირველი მდივანი; 1982-1984წწ. გარდაბნის საქალაქო საბჭოს აღმასკომის თავმჯდომარე; 1984-1990წწ. გარდაბნის რაიკომთან არსებული პარტკომისიის თავმჯდომარე; 1990-1991წწ. გარდაბნის რაიკომის მდივანი, მე-2 მდივანი; 1991-1992წწ. მცირე საწარმოს დირექტორი; 1992-1995წწ. გარდაბნის რაიონის გამგეობის თავმჯდომარის მოადგილე; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით; 2000-2002წწ. და 2004-2007წწ. ენერგეტიკის მინისტრის მოადგილე.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 277; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.134

• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის ფრაქცია"მოქალაქეტა კავშირი", წევრი (1995-1999)
• საქართველოს მე-4 მოწვევის პარლამენტის საგარეო ურთიერთობათა კომიტეტი, წევრი (1995-1996)
• საქართველოს მე-4 მოწვევის პარლამენტის შავიზღვისპირეთისა და ახლო აღმოსავლეთის ქვეკომიტეტი, ქვეკომიტეტის თავმჯდომარე (1995-1999)

• 1999 - ღირსების ორდენი
  გარდაბნის რაიონის ზოგადსაგანმანათლებლო სკოლებში ქართული ენის შესწავლის ორგანიზაციულ სრულყოფაში, ქართველ და აზერბაიჯანელ ხალხებს შორის მეგობრობის განმტკიცებაში შეტანილი პირადი დიდი წვლილისათვის, ნაყოფიერი პედაგოგიური და საზოგადოებრივი მოღვაწეობისათვის