თამაზ მჭედლიშვილი

დაბადების ადგილი: ქ. ლაგოდეხი.

დაამთავრა საქართველოს პოლიტექნიკური ინსტიტუტი 1962 წელს.

1962-1965წწ. - თბილისის კიროვის სახელობის ჩარხმშენებელი ქარხანა, საამქროს ინჟინერ-ტექნოლოგი; 1965-1979წწ. - ურალის პოლიტექნიკური ინსტიტუტის ლითონსაჭრელი ჩარხების და იარაღების კათედრა, 1965-1971წწ. - ასისტენტი, 1971-1978წწ. - დოცენტი; 1978 წლიდან - საქართველოს პოლიტექნიკური ინსტიტუტი, 1978-1984წწ. - მექანიზმებისა და მანქანების თეორიის კათედრის დოცენტი, 1984-1988წწ. - პროფესორი, 1988-1991წწ. - მანქანათა ნაწილების და ამწე-სატრანსპორტო მანქანების კათედრის პროფესორი, 1991-2006წწ. - ლითონსაჭრელი ჩარხების, შემდგომში, ამძრავთა სისტემების, ჩარხების, კომპლექსების და საწარმოო სწავლების კათედრის განგე, 2006-2012წწ. - მანქანათმშენებლობის დეპარტამენტის ამძრავთა სისტემების ჩარხების, კომპლექსების და საწარმოო სწავლების მიმართულების ხელმძღვანელი, 2012 წლიდან - საწარმოო ტექნოლოგიური მანქანების და მექატრონიკის დეპარტამენტის უფროსი. მის სამეცნიერო და საინჟინრო მუშაობის ძირითად თემატიკას წარმოადგენს: ამძრავთა სისტემების და მანქანების დინამიკური მოდელირება და კვლევა; შეიმუშავა ამძრავთა თანამედროვე სისტემების მრავალპარამეტრული მრავალკრიტერიული სინთეზის გამოყენებითი თეორია; ავტომატიზირებული ტექნოლოგიური კომპლექსების მუშაობის მოდელირება და მათი ოპტიმიზაციის საკითხების დამუშავება; მანქანებისა და მექანიზმების, ახალი სქემებისა და კონსტრუქციების დამუშავება და სრულყოფა; მრავალინსტრუმენტალური საჩარხო სისტემების მუშაობის რეჟიმების ოპტიმიზაციური გაანგარიშება და გამოყენება. მიღებულია საჩარხო სისტემების მწარმოებლურობისა და თვითღირებულების განსაზღვრის ორიგინალური კანონზომიერებები; შემუშავებულია ვიბროდამცავი და ვიბროსაიზოლაციო ტექნიკური სისტემების ორიგინალური სტრუქტურული და კონსტრუქციული სქემები; კიდული საბაგირო სისტემების დინამიკის  ორიგინალური მათემატიკური მოდელები ჰიდრავლიკური მადემპფირებელი ელემენტების გათავლისწეინებით; რთული სტრუქტურის ჰიდრავლიკური და ელექტროჰიდრავლიკური სისტემების სინთეზის თეორია; საზღვაო გემების მდებარეობისა და კურსის მართვის რთული მრავალკონტურიანი მრავალრეჟიმიანი მართვის ელექტროჰიდრავლიკური და ელექტრომექანიკური სისტემების ოპტიმიზაციური დინამიკური სინთეზის მეთოდები მათში არსებული მექანიკური სისტემების რგოლების დრეკადი მახასიათებლების გათვალისწინებით. მისი უშუალო მონაწილეობით შექმნილია და დანერგილია ჰიდრავლიკური მოთვალთვალე ამძრავებით აღჭურვილი ორიგინალური სტრუქტურის მაკოპირებელი ჩარხები, საჩარხო სისტემები, ვიბროსაიზოლაციო და ვიბროდამცავი მოწყობილობები და ა.შ. ტექნიკის მეცნიერებათა დოქტორი (1984), პროფესორი (1984).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.259-260

• ავტომატური რეგულირებისა და მართვის თეორიის საფუძვლები მექანიკის ინჟინერიაში : დამხმარე სახელმძღვანელო (თანაავტორი). - თბილისი, ტექნიკური უნივერსიტეტი, 2018. - 158გვ.. - ISBN: 9789941209758
• მერქნისა და მერქნული მასალების დამმუშავებელი ჩარხები, საჩარხო სისტემები და მჭრელი ინსტრუმენტები : დამხმარე სახელმძღვანელო (რედაქტორი) // ნაწ. 1. - თბილისი, ტექნ. უნ-ტი, 2017. - 251გვ. . - ISBN: 9789941207693
• Динамический синтез и комплекс организационно-технических решений для повышения эффективности судовых автоматизированных систем (თანაავტორი). - Тбилиси, Комитет ИФТоММА Грузии, 2008. - 328с.. - ISBN: 9789992894255