კონსტანტინე მუხრანბატონი

1853-1856წწ. მონაწილეობდა ყირიმის ომში, აგრეთვე ბრძოლებში დაღესტნის დასამორჩილებლად; 1877-1878წწ. რუსეთ-თურქეთის ომში მეთაურობდა პოლკს; ომის შემდეგ სამხედრო სამსახურს თავი დაანება და ხელი მოჰკიდა მეურნეობას, რომელიც კაპიტალისტური გზით ვითარდებოდა; რამდენჯერმე იყო არჩეული თბილისის გუბერნიის თავად-აზნაურთა წინამძღოლად (მარშალი); 1895 წელს იმპერატორმა უბოძა სამეფო სახლის ეგერმაისტერობა და რამდენიმე ხანს პეტერბურგში ცხოვრობდა; მატერიალურად ეხმარებოდა ქართულ ეროვნულ დაწესებულებებს, ჰყავდა ბევრი სტიპენდიატი გიმნაზიებსა და უნივერსიტეტებში; დიდი თანხა გაიღო ქართული გიმნაზიის შენობის (შემდგომში უნივერსიტეტი) ასაგებად. ქართველი მემამულე, რუსეთის არმიის გენერალ-მაიორი.

წყარო: ქართული საბჭოთა ენციკლოპედია: ტ. 7. - თბ., 1984. - გვ. 231