სპირიდონ ფხაკაძე

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელი 1951 წელს; ქ. ლენინგრადის (საქტ-პეტერბურგი) ადმირალ მაკაროვის სახელობის უმაღლესი საზღვაო-საინჟინრო სასწავლებელი (ЛВИМУ) 1967 წელს.

სასწავლებლის დამთავრების შემდეგ განაწილებით მოხვდა არხანგელსკის ჩრდილოეთის საზღვაო სანაოსნოში; 1951-1959 წწ. ჩრდილოეთის საზღვაო სანაოსნოს გემებზე გაიარა შტურმანობის ყველა საფეხური და 1959 წელს შორეული ნაოსნობის კაპიტანი გახდა; 1967 წელს სამშობლოში დაბრუნდა და საქართველოს საზღვაო სანაოსნოს ერთ-ერთი პირველი გემისტანკერ - «მაიკოპის» მეთაურობა ჩაიბარა; მომდევნო წლებში საქმიანობას ნაპირზე განაგრძობს, ჯერ კაპიტან დამრიგებლად (1969-1970), ხოლო 1970-1981 წლებში კი იგი საქართველოს საზღვაო სანაოსნოს უფროსის მოადგილე და მისი  ერთ-ერთი ხელმძღვანელია; 1981 წლიდან სანაოსნოს რადიოსალოკაციო ცენტრს ხელმძღვანელობს; 1987-1994 წწ. სამაშველო-საკოორდინაციო ცენტრის უფროსის მოვალეობასაც ასრულებს. შორეული ნაოსნობის კაპიტანი სპირიდონ ფხაკაძე

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com